নিয়মিতভাৱে দাঁত ব্ৰাছ নকৰিলে দাঁতৰ ক্ষতি হ’ব বুলি আপুনি ভাবেনে? কিন্তু ধাৰণাটো ভুল। কেইবাটাও গৱেষণাৰ পৰা দেখা গৈছে যে দাঁতৰ স্বাস্থ্য ডায়েবেটিছ, হৃদৰোগ আনকি কেন্সাৰৰ সৈতেও জড়িত।
মূৰ আৰু ডিঙিৰ কৰ্কট ৰোগত ভাৰতীয় পুৰুষ বেছিকৈ আক্ৰান্ত হয়। এই সকলোবোৰ কেন্সাৰৰ লগত ধঁপাত কম বেছি পৰিমাণে জড়িত। প্ৰতি বছৰে লাখ লাখ লোকৰো মুখৰ কৰ্কট ৰোগ ধৰা পৰে। এই কেন্সাৰৰ মূল কাৰণ হৈছে ধঁপাত সেৱন কৰাৰ অভ্যাস আৰু অসাৱধানতা আৰু দাঁতৰ প্ৰতি অৱহেলা।
আচৰিত যেন লাগিলেও মৌখিক স্বাস্থ্য মানৱ নিৰীক্ষণ কেন্দ্ৰৰ এক অধ্যয়ন অনুসৰি মাত্ৰ ৪৫ শতাংশ ভাৰতীয়ইহে দিনটোত দুবাৰকৈ দাঁত ব্ৰাছ কৰে। আনহাতে চীন, কলম্বিয়া, ইটালী আৰু জাপানৰ দৰে দেশত ৭৮ৰ পৰা ৮৩ শতাংশ লোকে দিনটোত দুবাৰকৈ ব্ৰাছ কৰে। এই অধ্যয়নত এইটোও দেখা গৈছে যে ভাৰতীয়সকলে আন দেশতকৈ বেছি মিঠাই সেৱন কৰাৰ প্ৰৱণতা থাকে। তাৰ বাবেই ভাৰতীয়ৰ দাঁতৰ ক্ষতি অধিক হয়। দাঁতৰ গহ্বৰৰ পৰাই আলচাৰ, শৰীৰত ভিটামিন বিৰ অভাৱ, আইৰণৰ অভাৱ আদি সমস্যাও দেখা দিয়ে।
দন্ত চিকিৎসা কেনেকৈ ল’ব?
দিনটোত দুবাৰকৈ দুমিনিটৰ বাবে দাঁত ব্ৰাছ কৰক। ৰাতিপুৱা সাৰ পোৱাৰ পিছত আৰু ৰাতি খোৱাৰ ৩০ মিনিট পিছত। কোমল ব্ৰাছ ব্যৱহাৰ কৰিব লাগে ৷তিনিমাহৰ মূৰে মূৰে ব্ৰাছ সলনি কৰিব লাগে। ওপৰলৈ তললৈ ব্ৰাছ কৰক, কাষে কাষে নহয়। যিকোনো খাদ্য খোৱাৰ পিছত পানীৰে ভালদৰে গাৰ্গল কৰক। ব্ৰাছ কৰাৰ সময়ত আঙুলিৰে দাঁতৰ মালি মালিচ কৰিব লাগে। অতি মিঠা বা আঠাযুক্ত খাদ্য বা পানীয় পৰিহাৰ কৰক। অধিক পানী খাব লাগে। নেমু, মধুৰিআম আদি ফল-মূল বেছিকৈ খাব লাগে।
