আজি পুৱা প্ৰায় ৪:৩০ বজাত পঞ্জাৱৰ ভাটিণ্ডাত সামৰিক শিবিৰত গুলীচালনাৰ ঘটনা সংঘটিত হয়। গুলীৰ আঘাতত চাৰিজন লোকৰ মৃত্যু হোৱা বুলি জানিব পৰা গৈছে। এই ঘটনাৰ পাছতে সমগ্ৰ অঞ্চলটোৰ চাৰিওফালে তালাচী অভিযান আৰম্ভ হৈছে।
সেনাই প্ৰকাশ কৰা বিবৃতিটোত উল্লেখ কৰা অনুসৰি পুৱা প্ৰায় ৪:৩৫ বজাত সেনা শিবিৰৰ ভিতৰত গুলীচালনাৰ ঘটনা সংঘটিত হয়। শিবিৰৰ এটা ‘কুইক ৰিয়েকচন টিম’ মোতায়েন কৰা হৈছিল। সমগ্ৰ অঞ্চলটো ঘেৰাও কৰি অভিযান আৰম্ভ কৰা হৈছে। ৪ জন লোকৰ মৃত্যু হৈছে।
বাথিন্দাৰ এছ এছ পি গুলনীত খুৰাণাই কয় যে, প্ৰথম অৱস্থাত ধাৰণা কৰা হৈছে যে এজন সেনাৰ জোৱানে গুলীচালনা কৰিছিল।
