নগাঁৱত প্ৰাক্তন ছাত্ৰ নেতা কীৰ্তি কমল বৰাক আৰক্ষীয়ে গুলিযাই আহত কৰাৰ ঘটনাৰ বিতৰ্কৰ মাজতে তাৎক্ষণিক ভাৱে বদলি কৰা হৈছে জিলাখনৰ আৰক্ষী অধীক্ষক আনন্দ মিশ্ৰক। অসম আৰক্ষীৰ মুখ্য কাৰ্যালয়লৈ বদলি কৰা হৈছে বিষয়া জনক।
কালি নগাঁৱৰ গুলিচালনাৰ ঘটনাৰ প্ৰতিবেদন দাখিল কৰিছিল ৰাজ্য চৰকাৰে গঠন কৰা কমিটিয়ে । ইতিমধ্যে প্ৰদীপ বণিয়া নামৰ এজন বিষয়াক নিলম্বন কৰাৰ লগতে ভংগ কৰি দিয়া হৈছে এণ্টি নাৰকটিক স্কোৱাড। জিলা খনৰ অতিৰিক্ত আৰক্ষী অধীক্ষক ধ্ৰুৱ বৰাক সাময়িক ভাৱে নিযুক্তি দিয়া হৈছে আৰক্ষী অধীক্ষকৰ দায়িত্ব।
