জেইই এডভান্সডৰ ফলাফল ঘোষণা : শীর্ষত মৃদুল আগৰৱাল

চলিত বর্ষৰ জেইই  এডভান্সড্ পৰীক্ষাৰ ফলাফল আজি ঘোষণা কৰা হৈছে ৷ দেশৰ আইআইটি সমূহত নামভর্তিৰ বাবে এই পৰীক্ষা অনুস্থিত হৈছিল৷ এই পৰীক্ষাৰ ফলাফল সমূহ jeeadv.ac.in ৱেবচাইটৰ জৰিয়তে প্ৰার্থীসকলে লাভ কৰিব ৷ প্ৰার্থীসকলে ৰোল নং, পঞ্জীয়ন নম্বৰ আৰু জন্মৰ তাৰিখৰ তথ্যৰে এই পৰীক্ষাৰ ফলাফল লাভ কৰিব ৷ চলিত বর্ষৰ জেইই এডভান্সড্ পৰীক্ষাৰ এনছাৰ কীসমূহ আজিয়েই প্ৰকাশ কৰা হ’ব ৷ পূর্বৰ এনচাৰ কীকলৈ একাংশ প্ৰার্থীয়ে আপত্তি প্ৰদর্শন কৰাত নতুনকৈ এনচাৰ কীৰ তালিকা প্ৰস্তুত কৰা হৈছে ৷ চূড়ান্ত এনচাৰ কীৰ ভিত্তিত জেইই এডভান্সডৰ ফলাফল ঘোষণা কৰা হৈছে ৷ প্ৰথম পর্যায়ৰ আসনৰ তালিকা অহা ২৭ অক্টোবৰত প্ৰকাশ কৰা হ’ব ৷ আই আই টিৰ এই প্ৰৱেশ পৰীক্ষাত শীর্ষ স্থান লাভ কৰিছে মৃদুল আগৰৱালে ৷ তেওঁ এই পৰীক্ষাত ৩৬০ নম্বৰৰ ভিতৰত ৩৪৮ নম্বৰ লাভ কৰিছে ৷