কৈলাশ সত্যাৰ্থী চিল্ড্ৰেনছ ফাউণ্ডেচনে (কেএছচিএফ) ৰাজ্য চৰকাৰ আৰু স্থানীয় প্ৰশাসনৰ সহযোগত ২৬ নৱেম্বৰত সমগ্ৰ দেশৰ ২০ খন ৰাজ্যৰ ৪১০ খনতকৈও অধিক জিলাত লাখ লাখ শিশুৰ সৈতে সংবিধান দিৱস উদযাপন কৰিব।
এই উপলক্ষে শিশুসকলে দেশৰ বিভিন্ন প্ৰান্তত আয়োজিত এক সমন্বিত কাৰ্যসূচীত সংবিধানৰ প্ৰস্তাৱনা পঢ়িব।
শিশুসকলক তেওঁলোকৰ সাংবিধানিক অধিকাৰ আৰু মৌলিক কৰ্তব্য আৰু সংবিধানত উল্লেখ কৰা তেওঁলোকৰ মুখ্য বৈশিষ্ট্যবোৰৰ বিষয়েও অৱগত কৰা হ’ব।
এই উপলক্ষে, শিশুসকলে কৰ্তব্য পালন কৰাৰ শপত ল’ব আৰু সংবিধানত উল্লেখ কৰা অধিকাৰ নিশ্চিত কৰাৰ দিশত কাম কৰিব। বিভিন্ন ব্যক্তিগত আৰু চৰকাৰী বিদ্যালয়, অংগনৱাড়ী কেন্দ্ৰৰ শিশু, কেএছচিএফৰ বাল মিত্ৰ গ্ৰাম আৰু বাল মিত্ৰ মণ্ডলৰ শিশুসকলৰ সৈতে শিশু যত্ন প্ৰতিষ্ঠানসমূহ এই কাৰ্যসূচীত অন্তৰ্ভুক্ত থাকিব। এই কাৰ্যসূচীত দূৰৱৰ্তী আৰু পিছপৰা অঞ্চলৰ প্রান্তিক শিশুসকলৰ লগতে জনজাতীয় অঞ্চলত বাস কৰা শিশুসকলকো সম্পূৰ্ণ সুহৃদয়েৰে অংশগ্ৰহণ কৰোওৱা হ’ব।
ৰাজ্য চৰকাৰৰ উপৰিও, কেএছচিএফৰ দ্বাৰা আয়োজিত এই কাৰ্যসূচীত বিশিষ্ট বেচৰকাৰী সংগঠনসমূহেও অংশগ্ৰহণ কৰিব।
ৰাজ্য চৰকাৰৰ উপৰিও, কেএছচিএফৰ দ্বাৰা আয়োজিত এই অনুষ্ঠানসমূহ একেসময়তে পঞ্জাৱ, হাৰিয়ানা, ৰাজস্থান, উত্তৰাখণ্ড, বিহাৰ, ঝাৰখণ্ড, অসম, মধ্য প্ৰদেশ, মহাৰাষ্ট্ৰ, হাৰিয়ানা, চণ্ডিগড়, গুজৰাট, তেলেংগানা, অন্ধ্ৰ প্ৰদেশ, তামিলনাডু, কৰ্ণাটক, কেৰালা, দিল্লী আৰু উত্তৰ প্ৰদেশত অনুষ্ঠিত হ’ব।
আমাৰ শিশুসকলৰ মাজত সংবিধানত সন্নিবিষ্ট ন্যায়, সমতা, স্বাধীনতা আৰু ভ্ৰাতৃত্বৰ মূল্যবোধ জাগ্ৰত কৰিবলৈ আৰু তেওঁলোকক তেওঁলোকৰ অধিকাৰ আৰু কৰ্তব্যৰ বিষয়ে অৱগত কৰাৰ বাবে এই কাৰ্যসূচী উদযাপন কৰা হ’ব। ভাৰতৰ ভৱিষ্যতৰ নিৰ্মাণ খণ্ড হৈ থকা শিশুসকলক দেশৰ একতা, অখণ্ডতা আৰু বৈচিত্ৰ্যৰ বিষয়ে অৱগত কৰা হ’ব।
মন কৰিবলগীয়া যে প্ৰতি বছৰে ২৬ নৱেম্বৰত ভাৰতত সংবিধান দিৱস পালন কৰা হয়। ১৯৪৯ চনত, ২৬ নৱেম্বৰত সংবিধান সভাই ভাৰতৰ সংবিধান গৃহীত কৰে, যি ১৯৫০ চনৰ ২৬ জানুৱাৰীৰ পৰা কাৰ্যকৰী হয়।
