আপুনি ব্ৰেণ্ডেড কোম্পানীৰ চেম্পু ব্যৱহাৰ কৰে নেকি ?তেনেহ’লে আপুনি সাৱধান হওঁক ৷ কিয়নো ৰাজ্যত অব্যাহত আছে নকল চেম্পুৰ ৰমৰমীয়া বেহা ৷ দামী ব্ৰেণ্ডেড চেম্পুৰ বটলত ভৰায় নকল চেম্পু বিক্ৰী কৰি আহিছে একাংশ অসাধু চক্ৰই ৷ শেহতীয়াকৈ কৰিমগঞ্জত নকল চেম্পুৰ ব্যৱসায় কৰা এটা চক্ৰ উৎখাত কৰাৰ পাছতে এই তথ্য পোহৰলৈ আহিছে ৷
প্ৰাপ্ত তথ্য অনুসৰি একগোপন সূত্ৰৰ খবৰৰ ভিত্তিত কৰিমগঞ্জ আৰক্ষীয়ে সোমবাৰে নিশা অভিযান চলায় ৷ এই অভিযান কালত আছলাম খান নামৰ এজন লোকক গ্ৰেপ্তাৰ কৰে ৷ তেওঁৰ বাসগৃহৰ পৰা আৰক্ষীয়ে ৯৬০ টা খালী চেম্পু বটল আৰু তিনিটা ড্ৰাম জব্দ কৰে ৷ তিনিওটা ড্ৰামতে নকল চেম্পু ভৰাই ৰাখিছিল ধৃত প্ৰৱঞ্চকটোৱে ৷ ব্ৰেণ্ডেড কোম্পানীৰ ছেম্পুৰ বটলত নকল ছেম্পু ভৰাই আছলাম খানে গ্ৰাহকক ৰামঠগন দি অহা বুলি আৰক্ষীয়ে সন্দেহ কৰিছে ৷ দিল্লীৰ পৰা আহি গুৱাহাটীত আশ্ৰয় লৈছিল আছলাম খানে ৷ আৰক্ষীৰ তদন্ত অব্যাহত আছে ৷
