বৈষ্ণো দেৱী মন্দিৰৰ প্ৰাংগনত পদপিষ্ট হৈ ১২জন লোকে প্ৰাণ হেৰুৱাৰ ঘটনাই সমগ্ৰ দেশবাসীক শোকাভিভূত কৰি তোলাৰ সময়তে হাৰিয়ানাৰ ভিৱানীত সংঘটিত হৈছে আন এক ভয়ানক ভূমিস্খলনৰ ঘটনা ৷ প্ৰাপ্ত তথ্য অনুসৰি হাৰিয়ানাৰ ভিৱানীৰ এটা খনিত সংঘটিত এই ভূমিস্খলনত ২ জন লোক আহত হোৱাৰ লগতে কেইবাজনো লোক সন্ধানহীন হৈছে ৷
ৰাজ্যখনৰ আৰক্ষীয়ে প্ৰকাশ কৰা অনুসৰি এই ভূমিস্খলনৰ ঘটনা শনিবাৰে পুৱা সংঘটিত হৈছে ৷ অৱশ্যে কি কাৰণত ভূমিস্খলন সংঘটিত হ’ল তাৰ কাৰণ কৰ্তৃপক্ষই এতিয়ালৈকে প্ৰকাশ কৰা নাই ৷
এই ঘটনা সংঘটিত হোৱাৰ পাছতে ভিৱানীত উপস্থিত হৈছে হাৰিয়ানাৰ কৃষি মন্ত্ৰী জে পি দলাল ৷ ইতিমধ্যে চিকিৎসকৰ এটা দল ঘটনাস্থলীত উপস্থিত হৈছে । জে পি দলালে কয় যে আহত সকলক হাস্পাতললৈ স্থানান্তৰ কৰিবলৈ নিৰ্দেশ দিয়া হৈছে। আৰক্ষীয়ে মৃত আৰু আহত লোক সকলক চিনাক্ত কৰিবলৈ চেষ্টা কৰি আছে।
