কৃত্ৰিম বানৰ লগতে গুৱাহাটীত অব্যাহত আছে ভূমিস্খলনৰ ভয়াৱহতা ৷ মহানগৰীখনৰ প্ৰান্তে প্ৰান্তে ভূমিস্খলনৰ ঘটনা সংঘটিত হৈছে ৷ গুৱাহাটীৰ হেঙেৰাবাৰীত পুনৰ সংঘটিত হৈছে ভয়াৱহ ভূমিস্খলন। হেঙেৰাবাৰীৰ ২নং মিলন নগৰত সংঘটিত হৈছে এই ভূমিস্খলন।
ভূমিস্খলনৰ ফলত পাহাৰৰ পৰা খহি পৰা প্রকাণ্ড শিলৰ খুন্দাত আঘাতপ্রাপ্ত হয় ৩জন লোক। দুজন পুৰুষ আৰু এগৰাকী মহিলা আঘাতপ্ৰাপ্ত হয় বুলি জানিব পৰা গৈছে। তিনিওকে ইতিমধ্যেই সংকটজনক অৱস্থাত জি এম ছি এইছত ভৰ্তি কৰোৱা হয়।
মহানগৰীৰ কাহিলীপাৰা, ভাস্কৰনগৰকে ধৰি আন কেইবাটাও অঞ্চলত ভূমিস্খলনৰ ঘটনা সংঘটিত হৈছে ৷ ইফালে অনিল নগৰ , নবীন নগৰকে ধৰি কেইবাটাও অঞ্চলত অব্যাহত আছে কৃত্ৰিম বান ৷ আজিও এই অঞ্চলসমূহৰ বহুলোকআৱদ্ধ হৈ আছে ৷
