পুনৰ এক চাঞ্চল্যকৰ ঘটনা সংঘটিত হৈছে গুৱাহাটী মহানগৰীত। মহানগৰীৰ কামাখ্যা ৰে’ল জংচনৰ পৰা নিৰুদ্দেশ হৈছে এজন যুৱক। জংচনটোৰ চৌহদৰ পৰা ৰহস্যজনকভাৱে নিৰুদ্দেশ হৈছে বিশ্বজিৎ দেৱনাথ নামৰ যুৱকজন।
নিৰুদ্দিষ্ট যুৱকজন লংকাৰ বিশ্বজিৎ দেৱনাথ বুলি জানিব পৰা গৈছে । ১২ জানুৱাৰীৰ নিশা দিল্লীৰ পৰা আহিছিল দুই যুৱক। নিশাটো কামাখ্যা ৰে’লৰ প্লেটফ’ৰ্মত থাকি ১৩ জানুৱাৰীত ঘৰলৈ যোৱা পৰিকল্পনা আছিল যুৱকদ্বয়ৰ। কিন্তু ১৩ জানুৱাৰীৰ পুৱাৰে ৰহস্যজনকভাৱে নিখোজ হৈ আছে বিশ্বজিৎ দেৱনাথ। যুৱকজনৰ বেগটো উদ্ধাৰ হৈছে যদিও এতিয়াও কোনো সন্ধান নাই বিশ্বজিৎ দেৱনাথৰ।
ঘটনা সন্দৰ্ভত ৰে’ল আৰক্ষী, জালুকবাৰী আৰক্ষী থানাত এজাহাৰ দাখিল কৰিছে বিশ্বজিৎ দেৱনাথৰ পৰিয়ালে ।
