মহানগৰীৰ পাটাৰকুচীত আজি পুৱা ৮.৩০বজাত সংঘটিত হয় এক ভয়ংকৰ অগ্নিকাণ্ড ৷ অগ্নি কাণ্ডটোৰ প্ৰতক্ষ দৰ্শী সকলৰ মতে ৰন্ধন গেছৰ চিলিণ্ডাৰ বিস্ফোৰণৰ ফলত সংঘটিত হয় এই ভয়ংকৰ অগ্নিকাণ্ড ৷ এজন প্ৰাক্তন আৰক্ষী বিষয়া নবীন চন্দ্ৰ বৰাৰ বাসগৃহৰ পৰা এই অগ্নিকাণ্ডৰ সূত্ৰপাত হয় বুলি জানিব পৰা গৈছে ৷ ভয়ংকৰ অগ্নিকাণ্ডটোত বিষয়াগৰাকীৰ বাসগৃহ সম্পূৰ্ণৰূপে ভষ্মীভূত হোৱাৰ লগতে তেওঁৰ বাসগৃৰ গাতে লাগি থকা ৩০টাকৈ ভাড়া ঘৰলৈ বিয়পি পৰে এই সংহাৰী জুই ৷ উক্ত ঘটনাত কোনো লোক অগ্নিদগ্ধ হোৱা নাই বুলি জানিব পৰা গৈছে যদিও সন্ধান হীন হৈ আছে এটি শিশু৷
স্থানীয় লোকে জানিবলৈ দিয়া মতে পুৱা প্ৰায় ৮.৩০বজাত এই ঘটনা সংঘটিত হয় ৷ অগ্নি নিৰ্বাপক বাহিনীৰ দীৰ্ঘ সময়ৰ চেষ্টাৰ অন্তত এই জুই নিৰ্বাপিত হয় যদিও অগ্নিকাণ্ডত ভষ্মীভূত হয় অঞ্চলটোৰ ২৫/৩০টা বাসগৃহ ৷ আনহাতে ভষ্মীভূত হয় তিনিখন বাহন ৷
