গুৱাহাটী মহানগৰীৰ ভঙাগড়ত সংঘটিত হয় এক ভয়ংকৰ অগ্নিকাণ্ডৰ ঘটনা ৷ আজি ভঙাগড়ৰ উদয়াচল পথত ৬টাকৈ চিলিণ্ডাৰ বিস্ফোৰণ হোৱাৰ ফলত এই ঘটনাটো সংঘটিত হয়।অগ্নিকাণ্ডটোত অগ্নিদগ্ধ হৈ ইতিমধ্যে এগৰাকী মহিলাৰ মৃত্যু হোৱা বুলি জানিব পৰা গৈছে ।
উল্লেখ্য যে ৬টাকৈ চিলিণ্ডাৰ বিস্ফোৰণৰ ফলত অগ্নিকাণ্ডটোৰ সূত্ৰপাত ঘটে ৷ অগ্নিকাণ্ডটোৰ ফলত কেইবাটাও ঘৰ ভষ্মীভূত হোৱাৰ লগতে ভষ্মীভূত হয় লাখ লাখ টকাৰ সা-সম্পত্তি ৷
উক্ত ঘটনাটোত অগ্নিদগ্ধ হৈ মৃত্যুবৰণ কৰা মহিলা গৰাকীক দ্ৰৌপদী ৰয় বুলি চিনাক্ত কৰা হৈছে ৷
ঘটনা সংঘটিত হোৱাৰ পিছত অগ্নি নিৰ্বাপক বাহিনীৰ বাহন, মহানগৰ আৰক্ষী আৰু ৰাজ্যিক দুৰ্যোগ সঁহাৰি বাহিনী ঘটনাস্থলীত উপস্থিত হয় যদিও স্থানীয় লোকে অভিযোগ কৰা অনুসৰি বহু পলমকৈহে ঘটনাস্থলীত উপস্থিত হ’ল অগ্নি নিৰ্বাপক বাহিনীৰ দলটো ।
