গোলাঘাট নগৰৰ মাজমজিয়াত বিধ্বংসী অগ্নিকাণ্ড

গোলাঘাট নগৰৰ মাজমজিয়াৰ পাঁচআলিত সংঘটিত হৈছে এক ভয়ংকৰ অগ্নিকাণ্ড ৷ অগ্নিকাণ্ডটোক কেন্দ্ৰ কৰি অঞ্চলটোৰ ৰাইজৰ মাজত সৃষ্টি হৈছে এক হাঁহাকাৰ পৰিস্থিতিৰ ৷ জুইৰ লেলিহান শিখাই চৌদিশ ছানি ধৰাৰ লগে লগেই  এটি বাসগৃহ ভষ্মীভূত হোৱাৰ  লগতে জ্বলি ছাঁই  হৈছে কেইবাখনো দোকান ৷ আনহাতে উক্ত অগ্নিকাণ্ডত সম্পূৰ্ণৰূপে ভষ্মীভূত হৈছে এখন চাৰিচকীয়া বাহন ৷ চাৰিখনকৈ অগ্নি নিৰ্বাপক বাহিনীৰ বাহনৰ দীৰ্ঘ সময়ৰ  চেষ্টাত  এই জুই নিৰ্বাপিত হৈছে যদিও এই মূহুৰ্তলৈকে জানিব পৰা হোৱা নাই এই অগ্নিকাণ্ড সূত্ৰপাত হোৱাৰ কাৰণ ৷