মহানগৰীত ৰেল বিভাগৰ কর্মচাৰীক চুৰিকাঘাত কৰি নিলে মোবাইল- নগদ ধন

মহানগৰীত পুনৰ সংঘটিত হৈছে চাঞ্চল্যকৰ ডকাইতি কাণ্ড ৷  গুৱাহাটীৰ নুনমাটিত এজন ব্যক্তিৰ পৰা দুর্বৃত্তই লুটি নিলে নগদ ধন আৰু মোবাইল ফোন ৷  নুনমাটিৰ কেবিন চ’কত সংঘটিত হৈছে এই ঘটনা ৷  জানিব পৰা মতে ৰেল বিভাগৰ কর্মচাৰী কিশোৰ কলিতাক  দুর্বৃত্তই বাট আগচি ধৰি চোকা অস্ত্ৰৰে ডিঙিত আঘাত কৰে ৷ যাৰ ফলত গুৰুতৰ ভাৱে আঘাতপ্ৰাপ্ত হয় ব্যক্তিজন ৷  ইয়াৰ পাছতে কলিতাৰ মোবাইল আৰু লগত থকা নগদ ধন দুর্বৃত্তই কাঢ়ি লৈ যায় ৷ ইপিনে গুৰুতৰভাৱে আঘাতপ্ৰাপ্ত কলিতাক স্থানীয় লোকসকলে গীতানগৰস্থিত গেট হাস্পতালত ভর্ত্তি কৰে ৷ সম্প্ৰতি হাস্পতালখনতে চিকিৎসাধীন হৈ আছে কিশোৰ কলিতা ৷  মঙলবাৰে নিশা প্ৰায় ৮.৩০ বজাত সংঘটিত হয় এই ঘটনা ৷