আৰক্ষীৰ দুর্বলতাৰ সুযোগ লৈ গুৱাহাটী মহানগৰীত সংঘটিত হৈ আহিছে চুৰি ডকাইতিৰ ঘটনা ৷ বিশেষকৈ চিলনী চোৰৰ উৎপাতত মহানগৰৰ মহিলাসকলে অলংকাৰ পৰিধান কৰিবলৈ ভয় কৰা হৈছে ৷ আৰক্ষীয়ে গিজগিজাই থাকিলেও মহানগৰীত হ্ৰাস পোৱা নাই চিলনী চোৰৰ সন্ত্ৰাস ৷ এইবাৰ পিছে মহনগৰীত ওলাইছে মহিলা চিলনী চোৰ ৷
গুৱাহাটী ভঙগড়ত মহিলা চিলনী চোৰে থপিয়াই নিলে মোবাইল ৷ স্কুটিত অহা যুৱতীয়ে থপিয়াই নিলে উবেৰ চালকৰ মোবাইল ৷ সাতগাঁৱৰ প্ৰমোদ দাসৰ হাতৰ পৰা থপিয়াই নিলে মোবাইল ফোন।
মঙলবাৰে নিশা ভঙাগড় উৰণ সেতুৰ তলত সংঘটিত হৈছে ঘটনাটো ৷ জানিব পৰা মতে নিশা ভাড়াৰ সন্ধানত উৰণ সেতুৰ তলত ৰৈ আছিল চালকজন ৷ চালকজনে গাড়ীৰ পৰা নমাৰ লগে লগে স্কুটীত অহা যুৱতীয়ে থপিয়াই নিয়ে মোবাইলটো ৷
ঘটনা সন্দৰ্ভত ভঙাগড় থানাত এজাহাৰ দাখিল কৰিছে ভুক্তভোগীয়ে। আৰক্ষীয়ে চিচিটিভিৰ ফুটেজ পৰীক্ষা কৰিছে যদিও এতিয়ালৈকে সন্ধান লাভ কৰা নাই চিলনী চোৰৰ।
