আজিৰ পৰা তিনিদিনীয়া কাৰ্যসূচীৰে অসমলৈ মোহন ভাগৱত

গুৱাহাটী, ৩১ আগষ্ট– কাইলৈৰ পৰা তিনিদিনীয়া ভ্ৰমনসূচী লৈ অৰ্থাৎ ১,২ আৰু ৩ ছেপ্টবৰলৈ ৰাষ্ট্ৰীয় স্বয়ংসেৱক সংঘৰ পৰম পূজনীয় সৰসংঘচালক ডা°মোহন ভাগৱত অসমত উপস্হিত হ’ব । ৰাষ্ট্ৰীয় স্বয়ংসেৱক সংঘৰ সৰসংঘচালক গৰাকীয়ে ভাৰতবৰ্ষৰ বিভিন্ন প্ৰান্তৰ বিশেষ বৰ্গত অংশগ্ৰহণ কৰা নিয়মিত প্ৰবাসৰ এয়া অনুৰূপ কাৰ্যসূচী বুলি ৰাষ্ট্ৰীয় স্বয়ংসেৱক সংঘৰ উত্তৰ অসম প্ৰান্তৰ প্ৰচাৰ প্ৰমুখ কিশোৰ শিৱমে এক প্ৰেছ বিজ্ঞপ্তি যোগে জানিবলৈ দিছে। ডা: মোহন ভাগৱতে কাইলৈ দুপৰীয়াৰ ভাগত লোকপ্ৰিয় গোপীনাথ বৰদলৈ আন্তৰাষ্ট্ৰীয় বিমান বন্দৰৰ পৰা পোনে পোনে গুৱাহাটীৰ মালিগাঁৱৰ আদিংগিৰিস্হ জনজাতি কল্যাণ ছাত্ৰাবাস প্ৰকল্পত উপস্হিত হব৷ উল্লেখ্য, মালিগাঁৱৰ আদিংগিৰিৰ জনজাতি ছাত্ৰাবাস প্ৰকল্পত ২ আৰু ৩ ছেপ্টম্বৰত দুদিনীয়াকৈ ৰাষ্ট্ৰীয় স্বয়ংসেৱক সংঘৰ উত্তৰ অসম আৰু দক্ষিণ অসম প্ৰান্তৰ ৰাষ্ট্ৰীয় স্বয়ংসেৱক সংঘৰ মাননীয় সংঘচালক সকলৰ এক শিৱিৰ অনুষ্ঠিত হ’ব ৷ উক্ত শিৱিৰত উপস্হিত থাকি সৰসংঘচালক গৰাকীয়ে সংঘচালক সকলক উদ্দেশ্যি বৌদ্ধিক প্ৰদান কৰাৰ লগতে মত বিনিময় কৰিব ৷ আনহাতে, ডা: মোহন ভাগৱতে ৪ ছেপ্টম্বৰৰ পুৱা গুৱাহাটীৰ পৰা নাগপুৰ অভিমুখে ৰাওনা হব।