শিৱসাগৰৰ জিলাত সংঘটিত হৈছে মৰেল পুলিচিঙৰ ঘটনা ৷ গৌৰীসাগৰ আৰক্ষী থানাৰ অন্তৰ্গত নামতিয়ালত এই ঘটনা সংঘটিত হৈছে ৷ স্থানীয় একাংশ লোকে তিনিজন যুৱকক গছত বান্ধি নিৰ্মমভাৱে প্ৰহাৰ কৰে ৷। ছাগলী চোৰৰ সন্দেহত তিনি যুৱকক গছত বান্ধি নিৰ্মমভাৱে প্ৰহাৰ কৰা ঘটনাই অঞ্চলজুৰি ব্যাপক চাঞ্চল্যৰ সৃষ্টি কৰিছে।
প্ৰাপ্ত তথ্য অনুসৰি তিনি যুৱকক গছত বান্ধি প্ৰায় দুশৰো অধিক লোকে আক্ৰমণ কৰে ৷ ভুক্তভোগী তিনি যুৱক কালুগাঁও গায়েন গাঁৱৰ মিলন জ্যোতি ভূঞা, শলগুৰিৰ পৰাণ দত্ত আৰু নামতি মেজেঙাৰ প্ৰশান্ত গগৈ বুলি জানিব পৰা গৈছে ৷
অঞ্চলটোত বিগত কিছুদিন ধৰি ছাগলী চুৰিৰ ঘটনা সংঘটিত হৈ আহিছিল। ফলত একাংশ লোকে সন্দেহবশত তিনি যুৱকক নিৰ্মমভাবে প্ৰহাৰ কৰাৰ উপৰিও গছত বান্ধি থৈ গৌৰীসাগৰ আৰক্ষীক খবৰ দিয়ে। ঘটনাস্থলীত গৌৰীসাগৰ আৰক্ষী উপস্থিত হৈ তিনি যুৱকক উদ্ধাৰ কৰি চিকিৎসালয়লৈ প্ৰেৰণ কৰে।ইতিমধ্যে গৌৰীসাগৰ আৰক্ষীয়ে ঘটনা সন্দৰ্ভত তদন্ত অব্যাহত ৰাখিছে।
