অসমৰ দুই যুৱকৰ ৰহস্যজনক মৃত্যুৰ পাছতে সোণাৰিৰ মাজেৰে নাগালেণ্ডৰ বাহন যাতায়ত নকৰিবলৈ নির্দেশ

নাগালেণ্ডৰ মন জিলাৰ দুর্গম অঞ্চলত দুজন অসমৰ দুজন যুৱকৰ মৃতদেহ ৰহস্যজনক অৱস্থাত উদ্ধাৰ হোৱাৰ পাছতে সৃষ্টি হোৱাৰ উত্তপ্ত পৰিস্থিতিৰ প্ৰতি লক্ষ্য ৰাখি গুৰুত্বপূর্ণ নির্দেশনা জাৰি কৰিছে নাগালেণ্ড জিলা প্ৰশাসনে ৷মন জিলাৰ উপায়ুক্তই জাৰি কৰা এই নির্দেশনাৰ জৰিয়তে সোণাৰিৰ মাজেৰে নগালেণ্ডৰ বাহনসমূহ যাতায়ত নকৰিবলৈ নির্দেশ দিছে ৷ মন জিলাৰ পৰা সোণাৰি হৈ অসম অথবা নাগালেণ্ডলৈ যাতায়ত নকৰিবলৈ নির্দেশ দিছে বাহনসমূহক  ৷ পৰিস্থিতি স্বাভাৱিক নোহোৱা পর্যন্ত এই নির্দেশ বাহাল থাকিব ৷ মন জিলাৰ উপায়ুক্ত অজিৎ কুমাৰ বার্মাই এই নির্দেশ প্ৰদান কৰিছে ।

উল্লেখ্য যে মন জিলালৈ  সামগ্ৰী দিবলৈ গৈ প্ৰাণ হেৰুৱাইছিল সোণাৰিৰ দুই যুৱকে ৷ৰহস্যজনক অৱস্থাত তেওঁলোকৰ মৃতদেহ উদ্ধাৰ হোৱাৰ পাছতে তীব্ৰ চাঞ্চল্যৰ সৃষ্টি হৈছিল ৷ যুৱক দুজনক হত্যা কৰি কোনো লোকে পেলাই থৈ যোৱা বুলি সন্দেহ কৰিছে স্থানীয় লোকসকলে ৷ অৱশ্যে মন জিলাৰ আৰক্ষীয়ে এই ঘটনাক দুর্ঘটনা বুলি অভিহিত কৰিছে ৷