সুদীর্ঘ ২১ বছৰৰ পাছত দেশৰ সৌন্দর্য জগতলৈ আহিল বহু প্ৰতীক্ষিত এটা ভাল লগা খবৰ ৷ চলিত বর্ষৰ মিচ ইউনিভার্চৰ খিতাপ দখল কৰিলে ভাৰতীয় সুন্দৰীয়ে ৷ দীঘলীয়া এক পৰিক্ৰমাৰ অন্তত নতুন মিচ ইউনিভার্চৰ খিতাপ দখল কৰিলে ভাৰতৰ হার্নাজ সান্ধুৱে ৷ ইজৰাইলৰ এইলাটত অনুষ্ঠিত প্ৰতিযোগিতাখনত ৭০ সংখ্যক মিচ ইউনিভার্চৰ খিতাপ দখল কৰে হার্নাজে ৷ ২১ বছৰীয়া হার্নাজ পাঞ্জাৱৰ চণ্ডিগড়ৰ বাসিন্দা ৷ ইয়াৰ পূর্বে ২০০০ চনত মিচ ইউনিভার্চৰ খিতাপ দখল কৰিছিল লাৰা দত্তই ৷ দক্ষিণ আফ্ৰিকাত অনুষ্ঠিত প্ৰতিযোগিতাত লাৰা দত্তই এই সন্মান লাভ কৰিছিল ৷২০২০ বর্ষৰ মিচ ইউনিভার্চ এন্দ্ৰিয়া মেজাই হার্নাজৰ শিৰত পিন্ধাই দিয়ে মিচ ইউনিভার্চৰ মুকুট ৷ এই বর্ষৰ মিচ ইউনিভার্চ প্ৰতিযোগিতাত প্ৰথম আৰু দ্বিতীয় ৰাণার্চ আপৰ খিতাপ দখল কৰে পাৰাগুৱে আৰু দক্ষিন আফ্ৰিকাই৷ মিচ ইউনিভার্চৰ খিতাপ দখল কৰা তৃতীয় গৰাকী ভাৰতীয় সুন্দৰী হৈছে হার্নাজ ৷
