বৃহস্পতিবাৰে নিশা অসমৰ দৰং জিলাৰ এখন বজাৰত সংঘটিত হয় এক ভয়ংকৰ অগ্নিকাণ্ড ৷ অগ্নিকাণ্ডটোত অতিকমেও নখনকৈ ব্যৱসায়িক প্ৰতিষ্ঠান সম্পূৰ্ণৰূপে ভষ্মীভূত হয় বুলি জানিব পৰা গৈছে ।বৃহস্পতিবাৰে নিশা জিলাখনৰ বেচিমাৰী অঞ্চলত সংঘটিত হয় এই ভয়ংকৰ অগ্নিকাণ্ড।
সূত্ৰসমূহে জানিবলৈ দিয়া অনুসৰি এই ভয়াবহ জুইত লক্ষ লক্ষ টকাৰ সামগ্ৰী ভষ্মীভূত হয় ।
শ্বৰ্ট চাৰ্কিটৰ ফলত অগ্নিকাণ্ডটোৰ সূত্ৰপাত ঘটা বুলি সন্দেহ কৰা হৈছে যদিও ইয়াৰ প্ৰকৃত কাৰণ এতিয়াও জানিব পৰা হোৱা নাই।
অৱশ্যে সৌভাগ্যক্ৰমে, অগ্নি নিৰ্বাপক বাহিনীৰ বাহনসমূহে আজি পুৱতি নিশা এই ভয়াবহ জুই নিৰ্বাপণ কৰিবলৈ সক্ষম হয়।
