সামূহিক সংক্ৰমন আৰম্ভ হৈছে নেকি দেশত? ভ্ৰমণ বৃত্তান্ত নোহোৱাকৈয়ে দিল্লীত আক্ৰান্ত বহু লোক

দেশত   ক্ৰমান্বয়ে সামূহিক সংক্ৰমন আৰম্ভ হৈছে  ক’ভিডৰ অ’মিক্ৰন ভেৰিয়েণ্টৰ ৷  বিশেষকৈ কোনো ভ্ৰমণ বৃত্তান্ত নোহোৱাকৈ  একাংশ লোক আক্ৰান্ত হৈছে অমিক্ৰনত ৷  দিল্লীৰ স্বাস্থ্য মন্ত্ৰী সত্যেন্দ্ৰ জৈনে এই কথা সদৰী কৰিছে ৷  সংবাদ মাধ্যমৰ আগত তেওঁ কয় যে দেশৰ ৰাজধানী চহৰখনত ১১৫ টা নমুনাৰ  পৰীক্ষাৰ অন্তত ৪৬ জনৰ শৰীৰতে অ’মিক্ৰনৰ সংক্ৰমন  পোৱা গৈছে ৷ দিল্লীত এতিয়ালৈকে ২৬৩ জন লোক অ’মিক্ৰনত আক্ৰান্ত হৈছে ৷

ইপিনে, ভাৰতত  বিগত  ২৪  ঘণ্টাত ১৩,১৫৪ জন লোক ক’ভিডত আক্ৰান্ত হৈছে ৷ ইয়াকে ধৰি  দেশত ক’ভিডত বর্তমান চিকিৎসাধীন ৰোগীৰ সংখ্যা হৈছে ৮২,৪০২ জন ৷ আনহাতে, বৃহস্পতিবাৰে অমিক্ৰনত আক্ৰান্ত লোকৰ সংখ্যা  ৯৬১ জনলৈ  লৈ বৃদ্ধি  পাইছে ৷   দিল্লীত ২৬৩ জন , মহাৰাষ্ট্ৰত ২৫২ জন লোক অমিক্ৰনত আক্ৰান্ত হৈছে ৷   ৯৬১ জন ৰোগীৰ ভিতৰত ভিতৰত ৩২০ জন অ’মিক্ৰনত আক্ৰান্ত লোক ইতিমধ্যে  সুস্থ হৈছে ৷  দেশৰ বিভিন্ন প্ৰান্তৰ লগতে মহাৰাষ্ট্ৰত সর্বাধিক হাৰত বৃদ্ধি পাইছে ক’ভিড আক্ৰান্তৰ সংখ্যা ৷ আনহাতে, দিল্লীত ৯২৩ জন লোক নতুনকৈ ক’ভিডত আক্ৰান্ত  হৈছে ৷  এদিন পূর্বে দিল্লীত এই সংখ্যা আছিল ৪৯৬ জন ৷ পজিটিভিটিৰ হাৰ ১.২৯ শতাংশ বৃদ্ধি পাইছে ৷