যদিও বিভিন্ন ৰোগৰ বাবেই হওঁক বা দুৰ্ঘটনাৰ ফলতেই হওঁক সমগ্ৰ বিশ্বতে প্ৰতিদিনেই বহু লক্ষ লক্ষ লোকৰ মৃত্যু ঘটি আছে তথাপি বিশ্বৰ জনসংখ্যা হ্ৰাস পোৱা নাই ৷ কিয়নো মৃত্যুৰ অনুপাতে হ্ৰাস পোৱা নাই জন্মৰ হাৰ ৷
‘ফ্ৰী প্ৰেছ জাৰ্নেল’ নামৰ এক সংবাদ মাধ্যমৰ প্ৰতিবেদন অনুসৰি শেহতীয়া সমীক্ষাৰ দ্বাৰা এই কথা অনুমান কৰা হৈছে যে ১৫ নৱেম্বৰত বিশ্বৰ জনসংখ্যা হ’ব ৮ বিলিয়ন ৷ যি হ’ব মানৱ বিকাশৰ এক মাইলৰ খুঁটি। জনস্বাস্থ্য, পুষ্টি, ব্যক্তিগত পৰিষ্কাৰ-পৰিচ্ছন্নতা আৰু চিকিৎসাৰ উন্নতিৰ বাবেই মানুহৰ আয়ুস ক্ৰমান্বয়ে বৃদ্ধি পোৱাৰ বাবেই এই অভূতপূৰ্ব বৃদ্ধি হোৱা বুলি গৰ্বিত এতিয়া মানৱ সভ্যতা ।
চলিত বৰ্ষৰ ১১ জুলাইত বিশ্ব জনসংখ্যা দিৱসত প্ৰকাশ কৰা ৰাষ্ট্ৰসংঘৰ অৰ্থনৈতিক আৰু সামাজিক পৰিক্ৰমা বিভাগে ৰাষ্ট্ৰসংঘৰ ‘বিশ্ব জনসংখ্যা সম্ভাৱনা ২০২২’ত এই কথা প্ৰকাশ কৰিছে ৷প্ৰতিবেদনখনত কোৱা হৈছে যে ২০২৩ চনত চীনৰ ঠাইত ভাৰতে বিশ্বৰ সৰ্বাধিক জনবহুল ৰাষ্ট্ৰ হিচাপে স্থান লাভ কৰিব।ধাৰণা অনুসৰি ২০৫০ চনলৈকে জনসংখ্যা বৃদ্ধিৰ ক্ষেত্ৰত বিশ্বৰ মুঠ জনসংখ্যাৰ আধাতকৈ অধিক জনসংখ্যা মাত্ৰ আঠখন দেশত কেন্দ্ৰীভূত হ’ব ৷ সেই দেসকেইখন হ’ল ক্ৰমে কংগো, ইজিপ্ত, ইথিওপিয়া, ভাৰত, নাইজেৰিয়া, পাকিস্তান, ফিলিপাইনছ আৰু তাঞ্জানিয়া ৷
১৯৭৪ চনত বিশ্বত ৪ বিলিয়ন লোক আছিল। ৰাষ্ট্ৰসংঘই অনুমান কৰিছে যে ২০২২ চনৰ নৱেম্বৰৰ মাজভাগলৈকে অৰ্থাৎ ৪৮ বছৰ ব্যৱধানত বিশ্বৰ জনসংখ্যা দুগুণ বৃদ্ধি পাই ৮ বিলিয়ন হ’ব ৷
অৱশ্যে বিশ্বৰ জনসংখ্যা ৭ বিলিয়নৰ পৰা ৮ বিলিয়নলৈ বৃদ্ধি হ’বলৈ ১২ বছৰ সময় লাগিছিল যদিও ৯ বিলিয়ন হ’বলৈ লাগিব প্ৰায় ১৫ বছৰ ৷ অৰ্থাৎ ২০৩৭ চনতহে বিশ্বৰ জনসংখ্যা হ’বগৈ ৯বিলিয়ন ৷ যি হ’ব বিশ্বৰ জনসংখ্যাৰ সামগ্ৰিক বৃদ্ধিৰ হাৰ মন্থৰ হোৱাৰ লক্ষণ।
ৰাষ্ট্ৰসংঘৰ শেহতীয়া হিচাপ অনুসৰি ২০৩০ চনত বিশ্বৰ জনসংখ্যা প্ৰায় ৮.৫ বিলিয়ন, ২০৫০ চনত ৯.৭ বিলিয়নলৈ বৃদ্ধি পাব পাৰে আৰু তাৰ পিছত ২০৮০ চনৰ ভিতৰত প্ৰায় ১০.৪ বিলিয়নলৈ ই শিখৰত উপনীত হ’ব পাৰে আৰু ২১০০ চনলৈকে সেই স্তৰতে থাকিব বুলি আশা কৰা হৈছে।
সংস্থাটোৱে লগতে কয় যে ১৯৫০ চনৰ পিছত প্ৰথমবাৰৰ বাবে ২০২০ চনত বিশ্বৰ জনসংখ্যা বৃদ্ধি এক শতাংশৰ তললৈ নামি আহিছে।
এই সন্দৰ্ভত ৰাষ্ট্ৰসংঘৰ সচিব প্ৰধান এণ্টনিঅ’গুটেৰেছে ইয়াৰ মিশ্ৰিত প্ৰভাৱৰ পৰ্যালোচনা কৰি বিশ্ব সম্প্ৰদায়ক সুযোগসমূহ গ্ৰহণ কৰিবলৈ আৰু বিশ্বৰ ধনী আৰু অধীক্ষক সকলৰ মাজত বিভাজন দূৰ কৰাৰ বাবে ব্যৱস্থা গ্ৰহণ কৰিবলৈ আহ্বান জনায়। তেওঁ কয় যে যদিহে আমি বিশ্বৰ ধনী আৰু দুখীয়া সকলৰ মাজৰ ব্যৱধান দূৰ নকৰো, তেন্তে আমি নিজকে উত্তেজনা আৰু অনাস্থা, সংকট আৰু সংঘাতেৰে ভৰা ৮ বিলিয়ন জনসংখ্যাৰ এখন শক্তিশালী পৃথিৱীৰ বাবে সাজু কৰি আছো
