আজি চীনৰ চংকিং বিমানবন্দৰৰ ৰানৱেৰ পৰা ওলাই যোৱাৰ পিছত তিব্বত এয়াৰলাইনছৰ এখন বিমানত ইঞ্জিনস্ক্ৰেপ হৈ জুই লাগে।দুৰ্ঘটনা সংঘটিত হোৱাৰ লগে লগে সকলো যাত্ৰী আৰু কৰ্মচাৰীক সুৰক্ষিতভাৱে স্থানান্তৰ কৰা হয়। অৱশ্যে, চীনৰ অসামৰিক বিমান প্ৰশাসনে জানিবলৈ দিছে যে স্থানান্তৰৰ সময়ত ৩৬ জন লোক সামান্যভাৱে আঘাতপ্ৰাপ্ত হৈছিল।
এয়াৰলাইনটোৱে এক বিবৃতিত কয় যে ১১৩ জন যাত্ৰী আৰু ৯ জন ক্ৰূ সদস্যক লৈ যোৱা বিমানখন তিব্বতৰ নিংচি চহৰলৈ গৈ আছিল ৷ পাইলটসকলে এক অস্বাভাৱিকতা অনুভৱ কৰাৰ পিছত বিমানখনৰ উৰণ বন্ধ কৰিছিল, যাৰ ফলত বিমানখন ৰাণৱেৰ পৰা ওলাই যোৱাৰ পিছত ইঞ্জিনস্ক্ৰেপ হৈ জুই লাগিছিল।
ছ’চিয়েল মিডিয়াত শ্বেয়াৰ কৰা ভিডিঅ’বোৰত বিমানখনৰ সন্মুখৰ অংশটো জুইত আৱৰি থকা আৰু ডাঠ ক’লা ধোঁৱাৰে আৱৰি থকা দেখা গৈছিল।১৩২ জন যাত্ৰী কঢ়িয়াই অনা আৰু চাইনা ইষ্টাৰ্ণ এয়াৰলাইনছৰ দ্বাৰা পৰিচালিত বোয়িং ৭৩৭ বিমান গুয়াংছি অঞ্চলৰ ৱান্ঝৌ চহৰৰ ওচৰৰ গ্ৰাম্য অঞ্চলত দুৰ্ঘটনাগ্ৰস্ত হোৱাৰ দুসপ্তাহ পিছতেই পুনৰ এই বিমান দুৰ্ঘঘটনাটো সংঘটিত হৈছে।
