বতৰ মন্ত্ৰালয়ে শেহতীয়াকৈ জনোৱা অনুসৰি আজি উৰিষ্যাৰ বিভিন্ন জিলাত বৰষুণ হোৱাৰ প্ৰচুৰ সম্ভাৱনা আছে। সেয়েহে ধাৰাসাৰ বৰষুণৰ বাবে আজি হালধীয়া সতৰ্কবাণী জাৰি কৰা হৈছে ৰাজ্যখনৰ ৮ খন জিলাত৷ সতৰ্কবাণী জাৰি কৰা জিলাকেইখন হ’ল বালাচোৰ, ভদ্ৰক, জাজপুৰ, কেন্দ্ৰপাৰা, জগতসিংপুৰ, কটক, কেওনঝাৰ আৰু ময়ূৰভঞ্জ।
আনহাতে সুবৰ্ণৰেখা নদী প্ৰণালীত এতিয়া বানপানীৰ আশংকাই দেখা দিছে যিয়ে উৰিষ্যাৰ বালাচোৰ আৰু ময়ূৰভঞ্জ জিলাৰ লোকসকলক প্ৰভাৱিত কৰিছে। ইতিমধ্যে উৰিষ্যাৰ বালাচোৰ জিলাত প্ৰায় ৪০,০০০ লোকক স্থানান্তৰিত কৰা হৈছে বুলি জানিব পৰা গৈছে ।
