ধুবুৰীৰ বিলাসীপাৰাত পুনৰ অভিযুক্তৰ বিৰুদ্ধে গৰজি উঠিল আৰক্ষীৰ আগ্নেয়াস্ত্ৰ ৷ পুনৰ সংঘটিত হৈছে এনকাউণ্টাৰৰ ঘটনা ৷ দুৰ্ধৰ্ষ ডকাইত ছফিকুল ইছলামক আৰক্ষীয়ে এনকাউন্টাৰ কৰিছে। আৰক্ষীয়ে গোপন সূত্ৰৰ পম খেদি সোমবাৰে বিয়লি বিলাসীপাৰাৰ নাথপাৰা ১৭ নং ৰাষ্ট্ৰীয় ঘাইপথৰ পৰা মাৰনাস্ত্ৰ সহ দুই কুখ্যাত ডকাইতক কৰায়ত্ত্ব কৰিছিল।ইয়াৰ পাছতে দুয়োকে জেৰা চলোৱাৰ লগতে আৰক্ষীয়ে অভিযান চলায় ৷
নিশা চিৰাকুটাৰ বেতবাৰীত অধিক অস্ত্ৰ লুকাই ৰখাৰ সন্দেহত আৰক্ষীয়ে আটক কৰা দুৰ্বৃত্তক লগত লৈ অভিযান চলায় ৷ আৰক্ষীয়ে অভিযান চলাই থকাৰ সময়তে ছফিকুল ইছলামে পলায়নৰ চেষ্টা কৰে ৷ ফলত আৰক্ষীয়ে গুলীচালনা কৰিবলৈ বাধ্য হয় ৷ আৰক্ষীৰ গুলীয়ে ছফিকুল ইছলামৰ ভৰিত আঘাত কৰে ৷ ইয়াৰ পিছত আহত ছফিকুলক ধুবুৰী মেডিকেল কলেজ হাস্পতালত ভৰ্তি কৰোৱা হয়।
