হৃদৰোগত আক্ৰান্ত হৈ গোৱাত দেহাৱসান ঘটে বিজেপি নেত্ৰী সোণালী ফোগাটৰ ৷ ৪২ বছৰীয়া সোণালী ফোগাট এগৰাকী বিজেপি নেত্ৰীৰ লগতে আছিল এগৰাকী টিকটক ষ্টাৰো ৷জানিবপৰা মতে শেহতীয়াকৈ নিজৰ সহকৰ্মীৰ সৈতে গোৱালৈ গৈছিল বিজেপি নেত্ৰী গৰাকী ৷
২০০৬চনত এংকৰিঙৰ যোগেদি নিজৰ কেৰিয়াৰ আৰম্ভ কৰিছিল সোণালী ফোগাটে ৷ আনহাতে তেওঁ হিছাৰ দূৰদৰ্শনত ঘোষক হিচাপে কৰ্মৰত আছিল ৷২০০৮চনত তেওঁ বেজেপিৰ সদস্যপদ গ্ৰহণ কৰে আৰু তেতিয়াৰ পৰাই ৰাজনীতিৰ জগত খনতো সক্ৰিয় হৈ পৰে ৷ ২০১৯ চনত সোণালীয়ে তেওঁৰ প্ৰথম ছবি ‘ছোৰিয়া ছ’ৰ’ চে কম নহী হ’তী’ত কাম কৰি এগৰাকী অভিনেত্ৰী হিচাপে আত্ম প্ৰকাশ কৰিছিল ৷ আনহাতে তেওঁ পাঞ্জাবী আৰু হাৰিয়াণাৰ ভাষাতো ছবি আৰু মিউজিক ভিডিঅ’ কৰিছিল ৷ আনহাতে ভাৰতৰ জনপ্ৰিয় টি.ভি. ৰিয়েলিটী শ্ব’ ‘বিগ-বছ’তো অংশগ্ৰহণ কৰিছিল সোণালী ফোগাটে ৷
