“ফেচবুকৰ হস্তক্ষেপ বন্ধ কৰক”- চৰকাৰলৈ ছোনিয়া গান্ধীৰ আহ্বান

ভাৰতৰ নিৰ্বাচনী ৰাজনীতিত ফেচবুক আৰু অন্যান্য সামাজিক মাধ্যমৰ “প্ৰণালীবদ্ধ হস্তক্ষেপ” বন্ধ কৰিবলৈ কেন্দ্ৰীয় চৰকাৰক  আহ্বান জনাইছে  নিখিল ভাৰত কংগ্ৰেছ কমিটীৰ অধ্যক্ষ ছোনিয়া গান্ধীয়ে ৷

লোকসভাত আজি ভাষণ প্ৰদান কৰি  গান্ধীয়ে  এই আহ্বান জনায় ৷ফেচবুকে আন ৰাজনৈতিক দলৰ তুলনাত  বিজেপিৰ পৰা  নিৰ্বাচনী বিজ্ঞাপনৰ বাবে কম ধন লৈছিল বুলি আল জাজিৰা আৰু ৰিপ’ৰ্টাৰ্ছ কালেক্টিভে  প্ৰকাশ কৰা এক  প্ৰতিবেদনৰ বিষয়ে ভাষণত উল্লেখ কৰে গান্ধীয়ে  । তেওঁ কয় -“মই চৰকাৰক বিশ্বৰ সৰ্ববৃহৎ গণতন্ত্ৰৰ নিৰ্বাচনী ৰাজনীতিত ফেচবুক আৰু অন্যান্য সামাজিক মাধ্যমৰ  প্ৰণালীবদ্ধ হস্তক্ষেপ আৰু প্ৰভাৱ বন্ধ কৰিবলৈ অনুৰোধ জনাইছো। এয়া দলগত ৰাজনীতিৰ উর্ধত ৷  ক্ষমতাত কোন আছে সেয়া বিচাৰ নকৰাকৈ আমি আমি গণতন্ত্ৰ আৰু সামাজিক সম্প্ৰীতি সুৰক্ষিত কৰিব লাগিব ৷”