ৰে’ল যাত্ৰাৰ সময়তে হৃদৰোগত আক্ৰান্ত হৈ মৃত্যু অভিনেতা স্পন্দন বৰঠাকুৰৰ

জনপ্ৰিয় অভিনেতা স্পন্দন বৰঠাকুৰৰ আকস্মিক মৃত্যুত গভীৰ শোকৰ ছাঁ পৰিছে ৷ । হৃদৰোগত আক্ৰান্ত হৈ শেষ নিশ্বাস ত্যাগ কৰিছে  স্পন্দন বৰঠাকুৰে। ত্ৰিপুৰা অভিমুখে ৰে’লেৰে যাত্ৰা কৰি থকাৰ সময়তে তেওঁ হৃদৰোগত আক্ৰান্ত হয় ৷ ত্ৰিপুৰা পোৱাৰ পূৰ্বেই শেষ নিশ্বাস ত্যাগ কৰে স্পন্দন বৰঠাকুৰে।

আছাম প্লাৱিক ৱৰ্ক সভাপতি অভিজিৎ শৰ্মাৰ প্ৰযোজনাত নিৰ্মাণ হৈ থকা এনআৰচি স্কেম নামৰ ৱেব ছিৰিজখনত অভিনয় কৰিছিল অভিনেতাগৰাকীয়ে। তেওঁ ৱেব ছিৰিজখনত সমুজ্জ্বল কুমাৰ ভট্টাচাৰ্যৰ চৰিত্ৰত অভিনয় কৰিছিল ৷ যোৱা মঙলবাৰে ৱেব ছিৰিজখনৰ  ডাবিং সম্পন্ন কৰিছিল স্পন্দন বৰঠাকুৰে।

প্ৰয়াত স্পন্দন বৰঠাকুৰৰ ঘৰ নুনমাটিত। মৃত্যুৰ সময়ত স্পন্দন বৰঠাকুৰৰ বয়স আছিল প্ৰায়  ৫০ বছৰ ।