অধ্যয়নৰ বাবে গৈ ইউক্ৰেইনৰ সেনাত যোগদান , ৰাছিয়াৰ বিৰুদ্ধে অস্ত্ৰ তুলি লোৱা কোন এই ভাৰতীয় যুৱক

যুদ্ধৰ বিভীষিকাৰ মাজতে ঘৰলৈ ওভতিবলৈ ভাৰতীয় শিক্ষার্থীসকলে চৰকাৰক কাতৰ আহ্বান জনাই অহাৰ সময়তে ৰাছিয়াৰ বিৰুদ্ধে যুঁজিবলৈ ইউক্ৰেইনৰ সেনাবাহিনীত এজন ভাৰতীয়  ছাত্ৰই যোগ দিয়া কার্যই তীব্ৰ প্ৰতিক্ৰিয়াৰ সৃষ্টি কৰিছে ৷ প্ৰাপ্ত তথ্য অনুসৰি ইউক্ৰেইনৰ সেনা বাহিনীত যোগ দিয়া ছাত্ৰজন হৈছে তামিলনাডুৰ কইম্বাটুৰৰ  ২১ বছৰীয়া চাইনিকেশ ৰবিচন্দ্ৰন ৷ ২০১৮ চনত চাইনিকেশ খাৰকিভৰ নেচনেল এৰোস্পেচ বিশ্ববিদ্যালয়ত অধ্যয়ন কৰিবলৈ ইউক্ৰেইনলৈ গৈছিল।  অহা জুলাইৰ ভিতৰত  তেওঁৰ পাঠ্যক্ৰম সম্পূৰ্ণ হ’লহেতেন ৷ ইউক্ৰেইনত চলি থকা যুদ্ধৰ মাজতে তেওঁৰ পৰিয়ালে চাইনিকেশৰ সৈতে যোগাযোগ বিচিন্ন হৈ পৰে ৷ পৰিয়ালে দূতাবাসৰ সহায় বিচৰাত  তেওঁলোকে চাইনিকেশৰ সৈতে যোগাযোগ কৰিবলৈ সক্ষম হয় । চাইনিকেশে দূতাবাসৰ জৰিয়তে পৰিয়ালক অৱগত কৰে যে যে ৰাছিয়াৰ বিৰুদ্ধে যুঁজ দিবলৈ ইউক্ৰেইনৰ অৰ্ধসামৰিক বাহিনীত  তেওঁ যোগদান কৰিছে ৷ প্ৰশাসনৰ লোক  তেওঁৰ বাসগৃহলৈ গৈ পিতৃ-মাতৃক এই বিষয়ে সোধা-পোছা কৰে । জানিব পৰা মতে তেওঁ ভাৰতীয় সেনাত যোগদান কৰিবলৈ আবেদন কৰিছিল যদিও প্ৰত্যাখ্যান কৰা হৈছিল