আৰক্ষীৰ ধাৰাবাহিক অভিযানেও বন্ধ কৰিব পৰা নাই দুর্নীতি, ঘোচ লৈ পুনৰ গ্ৰেপ্তাৰ চৰকাৰী কর্মচাৰী

দুৰ্নীতিৰ বিৰূদ্ধে অসম আৰক্ষীয়ে তীব্ৰ অভিযান অব্যাহত ৰাখিলেও ৰাজ্যত স্তব্ধ হোৱা নাই চৰকাৰী কার্যালয়ত ঘোচ লোৱা কার্য ৷ ধাৰাবাহিক অভিযানৰ পাছতো একাংশ কর্মচাৰীয়ে লৈয়েই আছে উৎকোচ ৷ আজি উৎকোচ গ্ৰহণৰ সময়ত পুনৰ হাতে লোটে ধৰা পৰিল বিশ্বনাথ  জিলাৰ উপায়ুক্ত কার্যালয় চৌহদৰ উপ-পঞ্জীয়কৰ কার্যালয়ৰ   ডিলিং সহায়ক  তপন সাহা ৷  ভূমি পঞ্জীয়ন প্ৰক্ৰিয়াকৰণৰ বাবদ ঘোঁচ দাবী কৰি ধন লওঁতেই তেওঁক অসম আৰক্ষীৰ দুর্নীতি নিবাৰক শাখাই গ্ৰেপ্তাৰ কৰে ৷ কালিও মৰিগাওঁৰ এজন শিক্ষকক গ্ৰেপ্তাৰ কৰিছিল দুর্নীতি নিবাৰকে ৷