কলিয়াবৰৰ ৰাজপথত নিশা সংঘটিত হয় চাঞ্চল্যকৰ ঘটনা । ৰাজপথত বাহনত আক্ৰমণ চলালে দুবৃর্ত্তই ৷ এখন বলেন’ বাহনত অহা দুৰ্বৃত্তই আক্ৰমণ কৰাক লৈ চাঞ্চল্যৰ সৃষ্টি কৰিছে ৷ এই আক্ৰমণৰ ঘটনাত তিনিজন লোক গুৰুতৰভাৱে আহত হয় ৷
ঘটনাৰ বিবৰণী অনুসৰি লোককেইজন আঠমঙলা খাই ওভতি আহিছিল এখন ইন’ভা বাহেনেৰে ৷ সেই সময়তে এখন বেলেন’ বাহনে ৰাজপথতে ইন’ভা বাহনখনক আগভেটি ধৰে ৷ ইনভা বাহনখন ৰখোৱাৰ পাছতে বেলেন’ বাহনত অহা দুবৃর্ত্তৰ দলটোৱে তিনিওজন লোককে ৰডেৰে প্ৰহাৰ কৰে ৷ এই ঘটনাত ইন’ভা বাহনখনৰ যাত্ৰীকেইজ গুৰুতৰভাৱে আহত হয় ৷ আহতকেইজনক ততাতৈয়াকৈ কলিয়াবৰ মহকুমা অসামৰিক চিকিৎসালয়ত ভৰ্তি কৰে যদিও উন্নত চিকিৎসাৰ বাবে তেজপুৰলৈ প্রেৰণ কৰা হয়।
ইন’ভা বাহনখনত থকা মহিলাৰ পৰা অলংকাৰ কাঢ়ি নিয়াৰো চেষ্টা কৰে দুৰ্বৃত্তৰ দলটোৱে । ঘটনাস্থলীত স্থানীয় লোক উপস্থিত হোৱাৰ লগে লগে পলায়ন কৰে দুৰ্বৃত্তৰ দলটোৱে।কিছুদিন পূর্বেও উক্ত স্থানত অনুৰূপ ঘটনা সংঘটিত হৈছিল ৷ এইক্ষেত্ৰত আৰক্ষীয়ে পথচাৰীৰ সুৰক্ষাৰ বাবে কি ব্যৱস্থা গ্ৰহণ কৰে সেয়া লক্ষণীয় হ’ব ৷
