যোৱাকালিৰ পৰা সন্ধানহীন হৈ থকা এগৰাকী ব্যক্তিৰ মৃতদেহ আজি ৰাতিপুৱা উদ্ধাৰ কৰিলে এছডিআৰএফ বাহিনীয়ে

আৰক্ষী সূত্ৰে জানিব পৰা মতে দুধনৈ নদীত কাষত বাসকৰা জীতেন মণ্ডল নামৰ কাথমিস্ত্ৰী জনে যোৱাকালি সন্ধিয়া পৰত নদীত গা-ধুবলৈ গৈ সন্ধানহীন হৈ পৰে৷ পৰিয়ালৰ লোকে বিচাৰ খোচাৰ কৰি উপায়হীন হৈ দুধনৈ আৰক্ষীক খবৰ দিয়ে৷ আৰক্ষীয়ে নিশাৰ ভাগত লগেলগে ঘটনাস্থলীত উপস্থিত হৈ ব্যক্তিগৰাকীক বিচাৰে যদিও ব্যক্ত গৰাকীক বিচাৰি উলিয়াবলৈ সক্ষম নহল৷ অবশেষত আজি ৰাতিপুৱা গোৱালপাৰা এছডিআৰএফ বাহিনীক খবৰ দিয়াত তেওঁলোকে দুধনৈলৈ আহি দুধনৈ নদীত অভিযান চলাই ৰাতিপুৱা ৯ মান বজাত এগৰাকী ব্যক্তিৰ মৃতদেহ উদ্ধাৰ কৰে৷ উদ্ধাৰ হোৱা মৃত ব্যক্তিগৰাকী জীতেন মণ্ডল (৫৫) নামৰ এগৰাকী কাথমীস্ত্ৰিৰ বুলি গম পোৱা হৈছে৷ আৰক্ষীয়ে তদন্ত প্ৰক্ৰিয়া আৰম্ভ কৰি মৃতদেহটো মৰণোত্তৰ পৰীক্ষাৰ বাবে গোৱালপৰালৈ পঠিয়াই দিয়ে ৷