গুৱাহাটী মহানগৰীত পুনৰ উদ্ধাৰ হৈছে এজন যুৱকৰ মৃতদেহ ৷ মহানগৰীৰ গীতামন্দিৰৰ সমীপৰ এখন চাৰিচকীয়া বাহনত যুৱকজনৰ মৃতদেহ উদ্ধাৰ কৰা হৈছে ৷ মৃত যুৱকজন সমৰ ৰঞ্জন দাস বুলি জানিব পৰা গৈছে ৷ ইতিমধ্যে ঘটনাস্থলীত উপস্থিত হৈ তদন্ত আৰম্ভ কৰিছে নুনমাটি আৰক্ষীয়ে ৷
বিগত তিনিদিন ধৰি সমৰ ৰঞ্জন সন্ধানহীন হৈ আছিল ৷ যাৰ বাবে পৰিয়ালে নুনমাটি আৰক্ষী থানাত এজাহাৰ দাখিল কৰিছিল ৷ আজি পুৱা এটিএমৰ ধন কঢ়িওৱা এখন বাহনত সমৰ ৰঞ্জনৰ মৃতদেহ প্ৰত্যক্ষ কৰি বাহনৰ চালকজনে আৰক্ষীক খবৰ দিয়ে ৷ ইয়াৰ পাছতে আৰক্ষীয়ে যুৱকজনৰ পৰিচয় উদ্ধাৰ কৰি পৰিয়ালক খবৰ দিয়ে ৷
উল্লেখ্য যে এদিন পূর্বে একেদিনাই গুৱাহাটীৰ উজান বজাৰ আৰু চানমাৰিতো দুজন লোকৰ মৃতদেহ উদ্ধাৰ কৰা হৈছিল ৷ ইয়াক লৈ তীব্ৰ প্ৰতিক্ৰিয়াৰ সৃষ্টি হৈছে ৷
