সোমবাৰে নিশা গহপুৰত এক লোমহৰ্ষক হত্যাকাণ্ড সংঘটিত হয় । ৰাস অনুষ্ঠানৰ মাজতে পিতা-পুত্ৰক চোকা অস্ত্ৰৰে হানি -খুচি হত্যা কৰা হয় ৷ অভিযোগ অনুসৰি একে গাঁৱৰে ৩ জন লোকে তেওঁলোকক হত্যা কৰে ।হত্যাৰ বলি হোৱা দুজন ক্ৰমে পিতৃ হিতেশ্বৰ শইকীয়া (৪৭)আৰু পুত্ৰ সীমান্ত শইকীয়া (২৫) বুলি জানিব পৰা গৈছে। চোকা অস্ত্ৰৰে হানি -খুচি হত্যা কৰে দুয়োকে।
এই ঘটনা সংঘটিত হৈছে গহপুৰৰ পূব -কলাবাৰীৰ দেউৰীচুকত। একে গাঁৱৰে অকন বৰদলৈ ,মদন বৰদলৈ আৰু তেওঁৰ পিতৃ কৃষ্ণ বৰদলৈৰ বিৰুদ্ধে এই হত্যাকাণ্ডৰ অভিযোগ উঠিছে । ইতিমধ্যে গহপুৰ আৰক্ষীয়ে আটক কৰিছে তিনিওজনকে ৷
কি কাৰণে এই ঘটনা সংঘটিত হয় এতিয়ালৈকে জানিব পৰা নাই। পিতা-পুত্ৰৰ মৃত্যুত ঘৰখনৰ লগতে সমগ্ৰ অঞ্চলটোত শোকৰ ছা পৰিছে। আৰক্ষীয়ে তদন্ত আৰম্ভ কৰিছে ৷
