২০২৩ চনৰ দীপাৱলী উপলক্ষে ‘টাইগাৰ ৩’ৰ দৰ্শকলৈ বিশেষ উপহাৰ

দীপাৱলী উপলক্ষে অহা দেওবাৰে ছবিগৃহত মুক্তিলাভ কৰিব বলীউড জগতত ভাইজান খ্যাত তাৰকা অভিনেতা ছলমান খান আৰু আন এগৰাকী জনপ্ৰিয় অভিনেত্ৰী কেটৰিনা কাইফৰ ছবি ‘টাইগাৰ ৩’এ।
ছবিখনৰ বাবে অধীৰ আগ্ৰহেৰে অপেক্ষা ছলমান অনুৰাগীৰ। অৱশ্যে আৰু মাত্ৰ দুদিনৰ পিছতেই এই অপেক্ষাৰ অন্ত পৰিব ।
এইবাৰ দীপাৱলী উপলক্ষে ছবিখনৰ দৰ্শকলৈ আগবঢ়োৱা হৈছে এক বিশেষ উপহাৰ ৷ দৰ্শকসকলে মাত্ৰ ৭০ টকাতে চাব পাৰিব ছবিখন।
বহু সময়ত টিকটৰ আকাশলংঘী মূল্যই ভু চলচিত্ৰ প্ৰেমীকো চিনেমা এখন চোৱাৰ পৰা বিৰত ৰাখে, কিন্তু আমাৰ বহুতেই হয়তো নাজানে যে কিছুমান এনে উপায় আছে যাৰ দ্বাৰা কম মূল্যত চিনেমা এখন চাই আনন্দ ল’ব পাৰি। তেনে এটা উপায় হ’ল পিভিআৰ চিনেমাৰ পাছপ’ৰ্ট।
কি বাৰু এই পাছপ’ৰ্ট আঁচনি?
মাল্টিপ্লেক্স চেইনটোৱে আৰম্ভ কৰিছে ‘পিভিআৰ ইনক্স পাছপ’ৰ্ট’ নামৰ এটি আঁচনি। উল্লেখনীয় যে এই মাহেকীয়া প্লেন চাবস্ক্ৰাইব কৰিলে ৬৯৯ টকাত ১০খন চিনেমা চোৱাৰ অফাৰ আছে। অৱশ্যে ইয়াৰ বাবে কিছুমান চৰ্ত মানি চলিব লাগিব দৰ্শকসকলে ।
পিভিআৰে এই আঁচনি সন্দৰ্ভত নিজৰ অফিচিয়েল এক্স একাউণ্টত শ্বেয়াৰ কৰিছে সবিশেষ।
পিভিআৰৰ ৱেবছাইট অনুসৰি চৰ্ত আৰু নিয়ম সমূহ হ’ল-
• পাছপ’ৰ্ট আঁচনিৰ অধীনত সোমবাৰৰ পৰা বৃহস্পতিবাৰলৈহে ছবি চাব পাৰিব।
• এই পাছখনৰ বৈধতা মাত্ৰ ৩০ দিনৰ, অৰ্থাৎ এই পৰিকল্পনাৰ সৰ্বোত্তম ব্যৱহাৰ কৰিবলৈ এমাহৰ ভিতৰত ১০খন চিনেমাৰ সকলোবোৰ চাব লাগিব।
• পিভিআৰ ৱেব বা এপৰ জৰিয়তে দিনটোত মাত্ৰ এটা টিকটহে ক্ৰয় কৰিব পাৰিব।
• টিকটৰ মূল্য মাত্ৰ ৩৫০ টকা পৰ্যন্ত হ’ব পাৰে।
• অৱশ্যে দক্ষিণ ভাৰতৰ ছবিসমূহ এই আঁচনিৰ অন্তৰ্ভুক্ত নহয়। আৰু বহুতো চৰ্ত আৰু নিয়ম আছে, যিবোৰ পৰিকল্পনা লোৱাৰ পূৰ্বে পিভিআৰ চিনেমাছৰ ৱেবছাইটত গৈ বিতংভাৱে পঢ়িব পাৰিব।
অহা ১২ নৱেম্বৰত দীপাৱলীত মুক্তি পাব ‘টাইগাৰ ৩’। বৰ্তমান ছবিখনৰ বাবে আগতীয়া বুকিং চলি আছে। পুৱা ৭ বজাৰ পৰা আৰম্ভ হ’ব ছবিৰ প্ৰদৰ্শন৷ মনীষ শৰ্মাই পৰিচালনা কৰা ‘টাইগাৰ ৩’ ছবিখনত এইবাৰ ইমৰাণ হাছমীক মূল খলনায়কৰ চৰিত্ৰত দেখা পোৱা যাব।