মৰিয়নীত মাতৃক ৰডেৰে কোবাই হত্যা কৰিলে পুত্ৰই, অঞ্চলজুৰি তীব্ৰ প্ৰতিক্ৰিয়া

পুনৰ মানৱ সমাজক লজ্জানত কৰা এক ঘটনা সংঘটিত হ’ল  মৰিয়নিত ৷ জন্মদাত্ৰীক নিষ্ঠুৰভাৱে হত্যা কৰিলে পুত্ৰই ৷  এই ঘটনা সংঘটিত হৈছে মৰিয়নীৰ ভেলেউগুৰি কালিয়া গাঁৱত ৷ নবীন বৰাই মাতৃ নিৰু বৰাক নৃশংসভাৱে হত্যা কৰে ৷ ৰডেৰে কোবাই কোবাই  নিৰ্মমভাৱে  নিৰু বৰাক হত্যা কৰে নবীনে । জানিব পৰা মতে, বুধবাৰে নিশা সামান্য কথাতে দুয়োৰে মাজত কাজিয়াৰ সৃষ্টি হয় ৷  খঙৰ ভমকত হিতাহিত জ্ঞান হেৰুৱাই পেলায় নবীনে মাতৃক হত্যা কৰে ৷

দেৱেৰাপাৰ আৰক্ষীয়ে মাতৃহন্তা নবীন বৰাক  নিশাই গ্ৰেপ্তাৰ কৰিছে। এই ঘটনাক লৈ অঞ্চলটোত ব্যাপক প্ৰতিক্ৰিয়াৰ সৃষ্টি হৈছে ৷ মাতৃক হত্যাকাৰী নবীনক কঠোৰ শাস্তি প্ৰদানৰো দাবী উত্থাপন কৰিছে স্থানীয় লোকসকলে ৷