গুৱাহাটী মহানগৰীত দেওবাৰে নিশা সংঘটিত হয় এক চাঞ্চল্যকৰ ঘটনা ৷ সদাব্যস্ত জিএছ ৰোডৰ পৰাই এগৰাকী যুৱতীক অপহৰণৰ চেষ্টা চলায় দুৰ্বৃত্তই । কৰ্মস্থলীৰ পৰা ঘৰলৈ ওভতাৰ পথত যুৱতীগৰাকী ৪ জন যুৱকে অপহৰণ চেষ্টা চলায় ৷ অৱশ্যে ৰাইজৰ উপস্থিতিত যুৱতীগৰাকীক অপহৰণৰ অপচেষ্টা ব্যৰ্থ হয় দুৰ্বৃত্তৰ দলটোৰ ।
চিচিটিভিত প্ৰত্যক্ষ কৰা ভিডিঅ’ অনুসৰি এজন সতীর্থৰ সৈতে ঘৰলৈ ওভতা যুৱতী গৰাকীক দুবৃত্তৰ দলটোৱে এখন চাৰিচকীয়া বাহেনেৰে আগচি ধৰে ৷ যুৱকৰ দলটোৱে যুৱতী গৰাকীক বাহনখনত ভৰাবলৈ চেষ্টা কৰে ৷ কিন্তু সেই সময়তে ৰাস্তাৰে অহা বহুকেইজন লোকে সেই স্থানত জুম বান্ধে ৷ লগে লগে বাহনখন সেই স্থানৰ পৰা আঁতৰি যায় ৷ কিন্তু বাহনখনে যুৱতী গৰাকীৰ লগত থকা এজন যুৱকক খুন্দিয়াই থৈ যায় ৷ আহত যুৱকজন বিষ্ণু কাৰ্কী ৷
যুৱকজনক চিকিৎসালয়ত ভৰ্তি কৰোৱা হয় । দুবৃর্ত্তৰ দলটো অহা বাহনখনৰ নম্বৰ হৈছে এএছ ০১ এফ কে ৪১৯৯ (AS-01FK-4199 )৷ ঘটনা সংঘটিত কৰা বাহনখনৰ গৰাকী পাঞ্জাবাৰীৰ হীৰকজ্যোতি পাঠক বুলি জানিব পৰা গৈছে । ঘটনা সন্দৰ্ভত ভঙাগড় আৰক্ষী থানাত দাখিল কৰা হৈছে এজাহাৰ ৷
