বঙাইগাঁৱত শোকাৱহ ঘটনা , ৰে’লৰ খুন্দাত মাতৃ-কন্যাসহ তিনিজনৰ মৃত্যু

বঙাইগাঁৱত অঘটন  সংঘটিত হৈছে। ৰে’ল পথেৰে গৈ থকাৰ সময়তে ৰে’লৰ খুন্দাত তিনিজন লোকৰ মৃত্যু হয়। কুঁজীয়া নৈৰ ওপৰত থকা দলঙৰ সমীপত এই ঘটনা সংঘটিত হৈছে ৷ নিহতসকলৰ ভিতৰত মহিলা আৰু শিশু আছে। নামনিমুৱা বাংগালুৰু এক্সপ্ৰেছখনৰ খুন্দাত তিনিওৰে মৃত্যু হয়।

বঙাইগাঁও-চাপৰাকাটা ৰে’ল ষ্টেচনৰ মাজত সংঘটিত এই ঘটনাত মাতৃ-কন্যাৰ লগতে আন এগৰাকী মহিলাৰ মৃত্যু হৈছে। নিহত হৈছে  কল্পনা বৰ্মন আৰু তেওঁৰ ১১  বছৰীয়া কন্যা প্ৰিয়া ৷ লগতে আন এগৰাকী মহিলা মুন্নাৰ মৃত্যু হয় এই ৰে’ল দূর্ঘটনা । কীৰ্তনৰ পৰা উভতি আহি থাকোতে এই শোকাৱহ ঘটনা সংঘটিত হয় ৷