পাৰমাণৱিক শক্তিৰ ভাবুকি আৰু শক্তিৰ প্ৰদৰ্শন সমগ্ৰ বিশ্বতে বিয়পি পৰাৰ সময়তে জাৰ্মানীয়ে পাৰমাণৱিক শক্তিৰ উৎপাদন আৰু ব্যৱহাৰ সম্পূৰ্ণৰূপে বন্ধ কৰিছে । দেশত চলি থকা তিনিটা পাৰমাণৱিক ৰিয়েক্টৰ কালিৰে পৰা বন্ধ কৰি দিয়া হৈছে। ৰাছিয়া-ইউক্ৰেইন যুদ্ধৰ বাবে জাৰ্মানীকে ধৰি সমগ্ৰ ইউৰোপ তীব্ৰ বিদ্যুৎ সংকটত পৰিছে। জীৱাশ্ম ইন্ধনৰ ব্যৱহাৰো ক্ৰমান্বয়ে বন্ধ কৰি দিছে। এনে পৰিস্থিতিতো এই দেশখনে পাৰমাণৱিক শক্তিৰ ব্যৱহাৰ বন্ধ কৰাৰ সিদ্ধান্ত লৈছে ।
পশ্চিমীয়া দেশসমূহে অৱশ্যে পাৰমাণৱিক শক্তিৰ ব্যৱহাৰ বৃদ্ধি ইয়াৰ মাজতে জাৰ্মানীৰ পাৰমাণৱিক যুগৰ অন্ত পৰিল। যোৱা নিশা তিনিটা পাৰমাণৱিক ৰিয়েক্টৰ বিদ্যুৎ গ্ৰীডৰ পৰা বিচ্ছিন্ন হোৱাৰ পিছত এই কথা ঘোষণা কৰে আৰ ডব্লিউ ই এনাৰ্জীয়ে।
২০০২ চনৰ পৰা ইউৰোপৰ অন্যতম বৃহৎ অৰ্থনীতি জার্মানীয়ে পাৰমাণৱিক শক্তিৰ ব্যৱহাৰ বন্ধ কৰাৰ কথা চিন্তা কৰিবলৈ আৰম্ভ কৰে। ২০১১ চনত জাপানত সংঘটিত হোৱা ফুকচিমা-ডাইচি পাৰমাণৱিক দুৰ্যোগৰ পিছত এই বিষয়টোক অধিক গুৰুত্ব দিয়া হৈছিল। তেতিয়াৰ চ্যান্সেলৰ এঞ্জেলা মাৰ্কেলে এনে পদক্ষেপ ল’বলৈ আৰম্ভ কৰিলে। অৱশেষত ২০২৩ চনত সম্পূৰ্ণৰূপে বন্ধ হৈ পৰে পাৰমাণৱিক শক্তি উৎপাদন। ২০২২ চনত এয়া বন্ধ হোৱাৰ কথা আছিল। কিন্তু যুদ্ধৰ বাবে ৰাছিয়াৰ গেছ যোগান ব্যাহত হৈ পৰে। ই গোটেই প্ৰক্ৰিয়াটো লেহেমীয়া কৰি তোলে ৷
এই সিদ্ধান্তত জাৰ্মানীৰ জনসাধাৰণ অতি সুখী হৈ পৰিছে । ইউক্ৰেইনৰ শীতল যুদ্ধ বা চেৰ্নোবিল দুৰ্যোগৰ কথা ভাবি তেওঁলোক সদায় পাৰমাণৱিক বিৰোধী স্থিতিগ্ৰহণ কৰি আহিছে । পৰিৱেশ মন্ত্ৰী ষ্টেফি লেমকে কয় যে পাৰমাণৱিক শক্তিৰ বিপদক কম বুলি ক’ব নোৱাৰি।
পাৰমাণৱিক শক্তিৰ ব্যৱহাৰ সম্পূৰ্ণৰূপে বন্ধ হোৱাৰ কতড়া ঘোষণা কৰাৰ পাছত আজি জাৰ্মানীৰ বিভিন্ন প্ৰান্তত উদযাপন কৰা হয়। পাৰমাণৱিক বিৰোধী আন্দোলনৰ কেন্দ্ৰবিন্দু গ্ৰীণপিছে বাৰ্লিনৰ ব্ৰেণ্ডেনবাৰ্গ গেটত এক অনুষ্ঠান অনুষ্ঠিত কৰে। তাত এটা প্ৰতীকী ডাইনোছৰৰ মডেল ধ্বংস হয়। ইয়াৰ উপৰিও আজি জাৰ্মানীৰ কেইবাখনো চহৰত সাধাৰণ ৰাইজে এই দিৱস উদযাপন কৰিবলৈ শোভাযাত্ৰা উলিয়াই। বহুতে কয় যে এটা বিপজ্জনক, অস্থায়ী, ব্যয়বহুল প্ৰযুক্তি স্থগিত ৰখা হৈছে।
জাৰ্মানীয়েও পাৰমাণৱিক শক্তিৰ উপৰিও জীৱাশ্ম ইন্ধনৰ ব্যৱহাৰ পৰ্যায়ক্ৰমে বন্ধ কৰাৰ চেষ্টা চলাইছে। এনে পৰিস্থিতিত তেওঁলোকে সিদ্ধান্ত লৈছিল যে ২০৩০ চনৰ ভিতৰত তেওঁলোকে প্ৰয়োজনীয় ইন্ধনৰ ৮০ শতাংশ নবীকৰণযোগ্য ইন্ধন হিচাপে উৎপাদন কৰিব। বতাহৰ দৰে নবীকৰণযোগ্য শক্তি। যোৱা এবছৰত ৫৫১টা বায়ু টাৰ্বাইন স্থাপন কৰা হৈছে। আগন্তুক বছৰবোৰতো এই প্ৰক্ৰিয়া অব্যাহত থাকিব।
