মৰিগাৱঁৰ দন্দুৱাৰ দীঘলীপুখুৰীত এক অঘটন সংঘটিত হৈছে ৷ গা ধুবলৈ গৈ নিখোজ হৈছে তিনিজন কিশোৰ ৷ সন্ধানহীন হোৱা তিনি কিশোৰ হৈছে দ্বীপজ্যোতি বৰা, পল্লৱ ডেকা আৰু ৰঞ্জিত মেধি ৷
উল্লেখ্য যে তিনিওজন কিশোৰসহ মুঠ ৫ জন কিশোৰ দীঘলীপুখুৰীলৈ গা ধুবলৈ গৈছিল ৷ সেই সময়তে তিনিজন কিশোৰ সন্ধানহীন হৈ পৰে ৷লগে লগে সমগ্ৰ অঞ্চলটো হুৱাদুৱা লাগে ৷
তেওঁলোকৰ সন্ধানত উদ্ধাৰ অভিযান অব্যাহত আছে ৷ প্ৰাপ্ত তথ্য অনুসৰি সন্ধানহীন তিনি কিশোৰ দ্বাদশ শ্ৰেণীত অধ্যয়নৰত আছিল ৷
