মাজবাটৰ ওৰাং ৰূপা পথত সংঘটিত হৈছে এক ভয়ংকৰ পথ দুৰ্ঘটনা। এই দুৰ্ঘটনাত দুজন যুৱক থিতাতে নিহত হয় । নিহত যুৱক দুজন ক্ৰমে মাজবাট থানাৰ অন্তৰ্গত বাহিপুখুৰী চাহ বাগিচাৰ গনেশ পাইক (২১) আৰু মাজবাট ৰে’লৱে কলনিৰ চাহিল নাগ (১৯) বুলি জানিব পৰা গৈছে। মাজবাট থানাৰ বাহিপুখুৰী চাহ বাগিচাৰ ১২ নং লাইনৰ কাষত ওৰাং ৰূপা পথত নিশা সংঘটিত হৈছে এই ভয়ংকৰ পথ দুৰ্ঘটনা।
উল্লেখ্য যে বাইকেৰে যুৱক দুজন লামাবাৰী দিশৰ পৰা মাজবাট অভিমুখে আহি আছিল ৷ তেনে সময়তে নিয়ন্ত্রণ হেৰুৱাই চাহ বাগিচাৰ বেৰৰ এটা খুঁটাত খুন্দা মাৰে। ফলত থিতাতে নিহত হয় দুয়োজন যুৱক।যুৱক দুজনৰ মৃতদেহ মৰণোৰত্তৰ পৰীক্ষাৰ বাবে আজি পুৱা ১০ বজাত ওদালগুৰিৰ চিকিৎসালয়লৈ প্ৰেৰণ কৰে।
