নৱবৰ্ষৰ প্ৰথম দিনটোতে ছিপাঝাৰত এটা শোকাবহ পথ দুৰ্ঘটনা সংঘটিত হৈছে ।নিশা সংঘটিত দূর্ঘটনাটোত এজন যুৱক থিতাতে নিহত হয় । নিহত যুৱকজন লেখাৰুপাৰাৰ বিদ্যুৎ ডেকা বুলি জানিব পৰা গৈছে ৷
এই দুৰ্ঘটনাত আন এজন যুৱক আহত হৈছে ।প্ৰাপ্ত তথ্য অনুসৰি ঘৰৰ পৰা বাইকেৰে ওলাই আহিছিল বিদ্যুৎ ৷ ইয়াৰ পাছতে ১৫ নং ৰাষ্ট্ৰীয় ঘাইপথত এই দুৰ্ঘটনা সংঘটিত হয় ।
দূর্ঘটনাগ্ৰস্ত বাইকখনৰ নম্বৰ এ এছ ১৩ বি ৯৭৪১ ৷ ৰাষ্ট্ৰীয় ঘাইপথত আন এখন বাহনে খুন্দিয়াই বিদ্যুৎ ডেকাই চলাই যোৱা এফ জেড বাইকখনক। দুৰ্ঘটনা সংঘটিত কৰিয়েই আনখন বাহন সেই স্থানৰ পৰা পলায়ন কৰে ৷
