সোণাপুৰ হাটখোলাত সংঘটিত হৈছে এক ভয়ংকৰ ঘটনা ৷সোণাপুৰত এটা ঘৰৰ ওপৰত খহি পৰিল এজোপা প্ৰকাণ্ড গছ ৷গছজোপা বাগৰি পৰাৰ ফলত ঘৰটোত আবদ্ধ হৈ পৰিছিল তিনিজনকৈ ব্যক্তি ৷ এজন ব্যক্তি গুৰুতৰ ভাৱে আহত হৈছে ৷ কিছমত আলীক ভৰ্তি কৰোৱা হৈছে চিকিৎসালয়ত ৷ সামান্য পৰিমাণে আহত কেৰামত আলী আৰু মহিবুল ইছলাম ৷
ক্ষতিসাধন হৈছে দুখনকৈ বাহনৰ ৷ দুইখন বাহন ধ্ংসপ্ৰাপ্ত হৈছে ৷ স্থানীয় লোকে জানিবলৈ দিয়া মতে আজি পুৱা প্ৰায় ৭.৩০বজাত এই ঘটনা সংঘটিত হয় ৷ স্থানীয় লোকে ততাতৈয়াকৈ আৰক্ষী ও বন বিভাগৰ লোকক খবৰ দিয়াৰ ফলত আহত তিনিওকে উদ্ধাৰ কৰি চিকিৎসালয়লৈ প্ৰেৰণ কৰা হয় ৷
