বৃহস্পতিবাৰে পুৱতি নিশা চিলাপথাৰৰ চিলাসুঁতিত সংঘটিত হয় এক শোকাৱহ পথ দুৰ্ঘটনা।পথৰ দাঁতিত ৰৈ থকা এখন বাইকত প্ৰচণ্ড গতিৰে অহা এখন চাৰিচকীয়া বাহনে খুন্দা মাৰে ৷ এই দুর্ঘটনাত ৪ জন লোক নিহত হয় বুলি জানিব পৰা গৈছে ৷ নিহতসকলৰ দুজন সম্বন্ধত ভাতৃ-ভগ্নী ৷
প্ৰাপ্ত তথ্য অনুসৰি, নিহত দুই ভাতৃ-ভগ্নী হৈছে আজা চুক্ৰাং আৰু জয়া চুক্ৰাং। টাটা পাঞ্চ নামৰ বাহনখনে প্ৰচণ্ড গতিৰে আহি দুয়োকে খুন্দা মাৰি উফৰাই নিয়ে। ইয়াৰ পিছতে বাহনখনে আন এখন বাইকতো খুন্দা মাৰে। বাইকখনৰ আৰোহীজন নিহত হোৱাৰ লগতে গুৰুতৰভাৱে আহত হৈছে বাইকৰ পিছফালে থকা লোকজন। পৰৱর্তী সময়ত আহত লোকজনক হাস্পতাললৈ লৈ যোৱা হয়, যদিও তেওঁৰ মৃত্যু হয় ৷ আৰক্ষীয়ে তদন্ত আৰম্ভ কৰিছে আৰু টাটা পাঞ্চ বাহনখন জব্দ কৰিছে।
এই ঘটনাই সমগ্ৰ অঞ্চলটোতে শোকৰ ছাঁ পেলাইছে ৷ ইতিমধ্যে আৰক্ষীয়ে নিহত লোককেইজনৰ মৰণোত্তৰ পৰীক্ষা কৰি পৰিয়ালক মৃতদেহ চমজাই দিয়াৰ ব্যস্থা গ্ৰহণ কৰিছে ৷
