‘ব্ৰেইন ডেথ’ হোৱা দুজন লোকৰ পৰিয়ালৰ সন্মতি আৰু সহযোগত তেওঁলোকৰ একাধিক অংগ দান কৰি ৭ জন লোকৰ প্ৰাণ ৰক্ষা কৰা হয়! দিল্লীৰ এইমছ হাস্পতালৰ ট্ৰমা চেণ্টাৰত অংগদান সম্পূৰ্ণ হৈছে। দুয়োটা পৰিয়ালৰ পৰা অনুমতি লৈ চিকিৎসকে মৃতদেহ দুটাৰ পৰা এটা হৃদযন্ত্ৰ, চাৰিটা বৃক্ক, দুটা লিভাৰ আৰু চাৰিটা কৰ্ণিয়া সংগ্ৰহ কৰে। এই অংগসমূহ মাত্ৰ ৪৮ ঘণ্টাৰ ভিতৰতে ৭ জন ৰোগীৰ শৰীৰত প্ৰতিস্থাপন কৰা হয় । যিহেতু এই সময়ত কৰ্ণিয়া দান কৰিব নোৱাৰি, গতিকে এইমছৰ আৰ পি চেণ্টাৰত মজুত কৰি ৰখা হয়।
জানিব পৰা মতে, যোৱা ১২ জানুৱাৰীত হাৰিয়ানাৰ পালৱাল ৰে’ল ষ্টেচনত ৰাজস্থানৰ ভাৰতপুৰৰ নিবাসী বাচ্চু নামৰ এজন ৫১ বছৰীয়া ব্যক্তি দুৰ্ঘটনাৰ সন্মুখীন হৈছিল। তেওঁক জয়প্ৰকাশ নাৰায়ণ এপেক্স ট্ৰমা চেণ্টাৰত ভৰ্তি কৰোৱা হৈছিল। কিন্তু সকলো চেষ্টা কৰিও চিকিৎসকে তেওঁক বচাব নোৱাৰিলে। যোৱা ২৪ জানুৱাৰীত বাচ্চুক ‘ব্ৰেইন ডেড’ বুলি ঘোষণা কৰা হৈছিল। বাচ্চু পেছাত ৰাজমিস্ত্ৰী আছিল। তেওঁৰ ঘৰত এগৰাকী পত্নী আৰু দুজন নাবালক পুত্ৰ-কন্যা আছে।
যোৱা ২৩ জানুৱাৰীত ঘৰৰ ছাদৰ পৰা পৰি গুৰুতৰভাৱে আহত হৈছিল ফৰিদাবাদৰ বাসিন্দা মায়া নামৰ আন এগৰাকী মহিলা। পৰিয়ালে তেওঁক ট্ৰমা চেণ্টাৰত ভৰ্তি কৰে। যোৱা ২৫ জানুৱাৰীত চিকিৎসকে মহিলাগৰাকীক ‘ব্ৰেইন ডেড’ বুলি ঘোষণা কৰিছিল। মায়াৰ পৰিয়ালৰ লোকে কয় যে তেওঁ এগৰাকী ধৰ্মপৰায়ণ মহিলা। মানুহক সহায় কৰিবলৈ তেওঁ সদায় আগবাঢ়ি গৈছিল। গতিকে পৰিয়ালৰ লোকে মগজুৰ মৃত্যুৰ পিছত মায়াৰ অংগ দান কৰাৰ সিদ্ধান্ত লয়।
মায়া আৰু বাচ্চুৰ মৃত্যুৰ পিছত ৰাষ্ট্ৰীয় অংগ আৰু কলা সংৰোপণ সংস্থাৰ জৰিয়তে প্ৰাপকসকলক সকলো অংগ আবণ্টন দিয়া হৈছিল। দিল্লীৰ এ এইচ আৰ আৰ হাস্পতালত এটা লিভাৰ আৰু এটা বৃক্ক দিয়া হয়, আনহাতে ছফদাৰজং হাস্পতালত এটা বৃক্ক দিয়া হয়। হৃদযন্ত্ৰ, যকৃত আৰু দুটা বৃক্ক সংৰোপণ কৰা হয় দিল্লীৰ এইমছ হাস্পতালত দুই এজন ৰোগীৰ। মায়াৰ ছালও সংগ্ৰহ কৰা হৈছে, যিটো এইমছৰ বাৰ্ন এণ্ড প্লাষ্টিক চেণ্টাৰৰ নতুনকৈ স্থাপন কৰা ছালৰ বেংকত সংৰক্ষণ কৰা হৈছে।
অৰ্গান ৰিট্ৰিভাল বেংকিং অৰ্গেনাইজেশ্যন এম. তেওঁ কয় যে কাউন্সেলিং, ব্ৰেইন ডেথ চাৰ্টিফিকেচন, ড’নাৰ অংগ মেনেজমেণ্ট টিম, চিকিৎসক, ট্ৰান্সপ্লাণ্ট ক’অৰ্ডিনেটৰ, কাউন্সেলৰ, নিউৰ’চাৰ্জন, এনাস্থেটিষ্ট, ট্ৰান্সপ্লাণ্ট টিম, প্ৰশাসক আৰু ফৰেনছিক বিভাগৰ সহায়ত অংগ প্ৰতিস্থাপন সুকলমে সম্পূৰ্ণ কৰা হৈছে।
