বকোত ভয়ংকৰ পথ দুৰ্ঘটনাত থিতাতে নিহত দুই ছাত্ৰ

বকোৰ ছমৰীয়াত সংঘটিত হৈছে এটা ভয়ংকৰ পথ দুৰ্ঘটনা। নিয়ন্ত্রণ হেৰুৱাই পথৰ দাঁতিৰ গছত এখন বাইকে প্ৰচণ্ড জোৰেৰে খুন্দা মাৰে ৷ যাৰ ফলত বাইকখনৰ দুয়োজন আৰোহী নিহত হয় ৷ দুর্ঘটনাটোত নিহত হৈছে ছানিদুল ইছলাম আৰু হাৰুনাল ৰছিদ ৷ দুয়োজন ছাত্ৰ বুলি জানিব পৰা গৈছে ৷

শুকুৰবাৰে পথ দুৰ্ঘটনাটো সংঘটিত হয়  ।নিহত ছানিদুল ইছলাম আৰু হাৰুনাল ৰছিদ  সোণতলীৰ শ্বান একাডেমীৰ ছাত্র বুলি জানিব পৰা গৈছে ৷ দুর্ঘটনাৰ পাছতে সমগ্ৰ অঞ্চলটোতে হুলস্থুলৰ সৃষ্টি হয় ৷ স্থানীয় লোকসকলে আহি ছাত্ৰ দুজনক উদ্ধাৰ কৰে যদিও তেওঁলোকক চিকিৎসালয়লৈ নিয়াৰ পূর্বেই মৃত্যু ঘটে ৷

ঘটনাস্থলীত স্থানীয় লোকসকল সমাবেত হয় ৷ ছাত্ৰ দুজনৰ মৃত্যুত অঞ্চলটোত শোকৰ ছা পৰিছে ৷