যোৰহাটৰ বঙালপুখুৰীত শনিবাৰে এক ভয়ংকৰ পথ দুর্ঘটনা সংঘটিত হয় ৷ এল কে পথৰ সমীপত পথ দুৰ্ঘটনা সংঘটিত হয় । এখন যাত্ৰীবাহী মেজিক আৰু ইণ্ডিগ’ ইচিএছ বাহনৰ মাজত মুখামুখি সংঘৰ্ষৰ ফলত দুয়োখন বাহনত থকা ৯ জন যাত্ৰী আহত হয় ৷
দুৰ্ঘটনাগ্ৰস্ত গাড়ী দুখনৰ চালকে গুৰুতৰভাৱে আহত হৈছে । আহত লোকসকলক যোৰহাট মেডিকেল কলেজ হাস্পতালত ভৰ্তি কৰোৱা হৈছে।
প্ৰত্যক্ষদৰ্শীয়ে জানিবলৈ দিয়া মতে, তিতাবৰৰ দিশে যাত্ৰীবাহী মেজিক বাহনখনত গৈ থকাৰ সময়তে তীব্ৰবেগে অহা আনখন বাহনে খুন্দা মাৰে ৷ যাৰ ফলত দুয়োখন বাহন ক্ষতিগ্ৰস্ত হয় ৷ লগে লগে সমগ্ৰ অঞ্চলটোত হুৱাদুৱা লাগে ৷ স্থানীয় লোকসকলে আহত লোকসকলক উদ্ধাৰ কৰি চিকিৎসালয়লৈ প্ৰেৰণ কৰে ৷ পৰৱর্তী সময়ত দুৰ্ঘটনাস্থলীত আৰক্ষী উপস্থিত হৈ তদন্ত আৰম্ভ কৰে ৷
