ঘোষণা হ’ল বহু প্ৰতিক্ষীত হাউলী ৰাসোৎসৱৰ উপহাৰ কুপন খেলৰ ফলাফল। ৯৬ সংখ্যক হাউলী ৰাস উদযাপন সমিতিয়ে ‘বহুমুখী সাংস্কৃতিক প্ৰকল্প, ‘ নিৰ্মাণৰ সাহাৰ্যৰ্থে অনুষ্ঠিত কৰি আহিছে এই উপহাৰ খেল ৷ সমগ্ৰ উত্তৰ পূৰ্বাঞ্চলতে জনপ্ৰিয় হৈ পৰিছে উপহাৰ কুপনখেলখন। বিশেষকৈ ইয়াৰ বিলাসী গাড়ীৰ উপহাৰসমূহৰ বাবে এই খেলখন সকলোৰে মাজত জনপ্ৰিয় ৷
হাউলী ৰাস মহোৎসৱৰ উপহাৰ কুপন খেলৰ প্ৰথম পুৰষ্কাৰ বিলাসী ৰেঞ্জ ৰ’ভাৰ বাহন আছিল। ১০০ টকাত ৭৬ লাখ টকীয়া বিলাসী বাহনৰ গৰাকী হ’ল বৰপেটাৰ কালঝাৰৰ ইনজামামুল হক। তেওঁ পেচাত এজন ট্ৰেক্টৰ চালক। মাত্ৰ ১০০ টাকত সলনি হ’ল ট্ৰেক্টৰ চালক ইনজামামুলৰ ভাগ্য।
দেওবাৰে সন্ধিয়া ঘোষণা কৰা অনুসৰি প্ৰথম পুৰস্কাৰ লাভ কৰিছে ৪৭৮৬৫৯ লটাৰী নম্বৰটোৱে। দ্বিতীয় পুৰস্কাৰ লাভ কৰিছে ১৭৬৩৫৭ নম্বৰটোৱে। তৃতীয় পুৰস্কাৰ লাভ কৰিছে ২০৯৭৪৯ নম্বৰে।
সেইদৰে চতুৰ্থ পুৰস্কাৰ লাভ কৰিছে ১৮০০৪৪ নম্বৰে। পঞ্চম পুৰস্কাৰ লাভ কৰিছে ১৯৩২৮৬ নম্বৰে। ষষ্ঠ পুৰস্কাৰ লাভ কৰিছে ২০৩৬৬৬৫ নম্বৰে। সপ্তম পুৰস্কাৰ লাভ কৰিছে ৩০১৯৬৩ নম্বৰে। অষ্টম পুৰস্কাৰ লাভ কৰিছে ১৩৫৫৩৬ নম্বৰে। নৱম পুৰস্কাৰ লাভ কৰিছে ১৩২১৬০ নম্বৰে আৰু দশম পুৰস্কাৰ লাভ কৰিছে ১৫৭৪৮৬ নম্বৰে।
