বিৰক্তিকৰ আৰু ব্যস্ত জীৱনত শান্ত হৈ থকাৰ এটা উপায় হ’ল সঘনাই চাহ বা কফিৰ কাপত চুমুক দিয়া। ‘নেচনেল ইনষ্টিটিউট অৱ নিউট্ৰিচন’ৰ নতুন গাইডলাইনত কোৱা হৈছে যে বেছি চাহ-কফিৰ সোৱাদ নোলোৱাই ভাল। সাময়িকভাৱে জিভাৰ জুতি হ’লেও এই প্ৰথা স্বাস্থ্যকৰ নহয়।
ভাৰতৰ জনসংখ্যাৰ এক বৃহৎ অংশ চাহৰ প্ৰতি আসক্ত। দিনটোৰ ভিতৰত কিমানবাৰ চাহ সেৱন কৰে তাৰ হিচাপ নাই। ৰাতিপুৱাও আৰম্ভনি হয় একাপ চাহেৰে। ইয়াৰ পিছত দিনত কৰ্মস্থলীত, সভাত, বন্ধু-বান্ধৱীৰ লগত আড্ডা মাৰোতে চাহৰ জুতি লোৱাটো নিয়ম ৷ঘৰলৈ আলহী আহিলেও প্ৰথমে চাহৰ ব্যৱস্থা কৰা হয়। কিন্তু চিকিৎসকে ভাবে যে চাহৰ প্ৰতি এই প্ৰেমে স্বাস্থ্যৰ ক্ষতি কৰিব পাৰে।
‘ইণ্ডিয়ান কাউন্সিল অৱ মেডিকেল ৰিচাৰ্চ’ত খাদ্য খোৱাৰ ঠিক আগত আৰু পিছত চাহ খোৱাত নিষেধাজ্ঞা আৰোপ কৰা হৈছে। কাৰণ চাহ, কফিত কেফেইন থাকে যিয়ে স্নায়ুতন্ত্ৰক উদ্দীপিত কৰে। শাৰীৰিক প্ৰক্ৰিয়াবোৰ লেহেমীয়া হয়। একাপ কফিত ৫০-৬৫ মিলিগ্ৰাম কেফেইন থাকে। একাপ চাহত ৩০-৬৫ মিলিগ্ৰাম কেফেইন থাকে। ফলত চাহৰ দৰে যিমানবাৰ কফি খোৱা হয়, এই পৰিমাণৰ কেফেইন শৰীৰত প্ৰৱেশ কৰে। অত্যধিক কেফেইনে শৰীৰৰ ক্ষতি কৰে। কিন্তু খাদ্য খোৱাৰ আগতে আৰু পিছত চাহ, কফি পৰিহাৰ কৰাৰ আন এটা কাৰণো আছে। কেফেইনৰ উপৰিও চাহ আৰু কফিত টেনিন থাকে। যিয়ে শৰীৰত স্বাস্থ্যকৰ পদাৰ্থ শোষণ কৰে। ইয়াৰ ফলত বিশেষকৈ আইৰণৰ অভাৱ ঘটে।
খাদ্যৰ পৰা শৰীৰে যিমান পৰিমাণৰ আইৰণ পায়, চাহত থকা টেনিনে সেই সকলোবোৰ শোষণ কৰে। ইয়াৰ ফলত আইৰণৰ অভাৱ হয়। কিন্তু আইৰণ শৰীৰৰ এক অতি গুৰুত্বপূৰ্ণ উপাদান। স্বাভাৱিক হিম’গ্লবিনৰ মাত্ৰা বজাই ৰাখিবলৈ আইৰণৰ প্ৰয়োজন হয়। আইৰণ শৰীৰৰ অন্যতম শক্তি। লগতে আইৰণে প্ৰতিটো কোষত অক্সিজেন পোৱাত সহায় কৰে। গতিকে যদি শৰীৰত আইৰণৰ অভাৱ নিবিচাৰে তেন্তে খাদ্য খোৱাৰ আগতে বা পিছত চাহ নাখালে ভাল।
