বৃহস্পতিবাৰে পুৱাই কাজিৰঙা ৰাষ্ট্ৰীয় উদ্যানৰ আগৰাতলী বনাঞ্চলত সংঘটিত হৈছে এক শোকাবহ ঘটনা। বনৰীয়া ম’হৰ আক্ৰমণত এগৰাকী মহিলা থিতাতে নিহত হয় ।নিহত মহিলাগৰাকী বনাঞ্চলখনৰ সমীপৱৰ্তী বেলগুৰি গাঁৱৰ দীপা মুণ্ডা বুলি জানিব পৰা গৈছে ৷
ঘটনাৰ বিবৰণী অনুসৰি বনাঞ্চলৰ সমীপৱৰ্তী বেলগুৰি গাঁৱত বনৰীয়া ম’হে প্ৰায় উপদ্ৰৱ চলায় আহিছে ৷ আজি পুৱা উদ্যানখনৰ পৰা ওলাই অহা বনৰীয়া ম’হটোৱে ৪৫ বৰ্ষীয় এগৰাকী মহিলাক আক্ৰমণ কৰাৰ ফলত গুৰুতৰভাৱে আহত হৈ মৃত্যুমুখত পৰে। ।
পুৱাই সংঘটিত হোৱা এই কৰুণ ঘটনাত শোকাহত হৈ পৰিছে স্থানীয় লোকসকল ৷ এই ঘটনা সন্দৰ্ভত বন বিভাগক অৱগত কৰাৰ পাছতো ঘটনাস্থলীত বন বিভাগৰ লোক পলমকৈ উপস্থিত নোহোৱাত পৰিস্থিতি উত্তপ্ত হৈ পৰে।
