বৃহস্পতিবাৰে গুৱাহাটীৰ গাৰীগাঁৱত সংঘটিত হয় এক ভয়ংকৰ ঘটনা ৷ উক্ত ঘটনাত গুৱাহাটীৰ গাৰীগাওঁ অঞ্চলত এগৰাকী মহিলাক এজন যুৱকে হত্যাৰ চেষ্টা কৰে আৰু আক্ৰমণত মহিলাগৰাকী গুৰুতৰভাৱে আহত হয়। জানিব পৰা মতে প্ৰচণ্ড খঙত যুৱকজনে মহিলাগৰাকীক তীক্ষ্ণ অস্ত্ৰৰে আক্ৰমণ কৰিছিল যাৰ ফলত গুৰুতৰভাৱে আহত হৈছিল মহিলাগৰাকী।
উল্লেখ্য যে আক্ৰমণকাৰীজন নিচাগ্ৰস্ত অৱস্থাত আছিল আৰু ভুক্তভোগীয়ে তেওঁক বাধা দিবলৈ চেষ্টা কৰাৰ সময়ত হুলস্থূলৰ সৃষ্টি হৈছিল।নিচাগ্ৰস্ত যুৱকজন অঞ্চলটোৰ বাসিন্দা সুৰজ আলী বুলি চিনাক্ত কৰা হৈছে। আঘাতপ্ৰাপ্ত মহিলাগৰাকীক তৎক্ষণাৎ সংকটজনক অৱস্থাত গুৱাহাটী চিকিৎসা মহাবিদ্যালয় হাস্পতাললৈ (জিএমচিএইচ) প্ৰেৰণ কৰা হয় ।
চিকিৎসকে জানিবলৈ দিয়া মতে ডিঙি, কাণ আৰু মুখমণ্ডলত আঘাত পাইছে ভূক্তভোগী মহিলাগৰাকীয়ে।
